Maariko 2:18 - ÎVUKU RÎA ÛVORO MWARO

¹⁸ Vîndî îmwe rîrîa arutwa a Johana ûrîa Mûvatithania na a Afarisai meenyereketie, andû amwe nîmaathiîre kûrî Jesû na makîmûria atîrî, “Nîndûî gîtûmaga arutwa a Johana Mûvatithania na a Afarisai menyerekie, nwatî aku matiînyerekagia?”

Maariko 2:18 ပူးပေါင်းရင်းမြစ်များ

Mathaayo 23:5

Mekaga maûndû mao monthe nîguo monwe nî andû. Nîmaramagia ithitû ciao na nîmaracavagia mîcivi ya nguo ciao!

Mathaayo 6:16

“Na vîndî îrîa mûrenyerekia tigagani kwiria mothiû menyu ta ûrîa mvinga ciîkaga. Mvinga ciragia mothiû ma cio nîguo cionwe nî andû onthe atî nîirenyerekia. Nîramwîra na ma atî, mvinga icio nîirîkîtie kûvewa mûcara wacio.

Mathaayo 6:18

nîguo andû arîa engî matikamenye atî nîkwa mûrenyerekia. Îthe wenyu ûrîa ûtonekaga nîke tu ûkaamenya. Nake Îthe wenyu ûrîa wonaga maûndû marîa mekagîrwa nthithorî nîakaamûva mûcara wenyu.

Maariko 2:19

Nake Jesû nîwamacokerie atîrî, “Andû arîa metîrîtwe ûviki nwa menyerekie vîndî îrîa mûvikania arî vamwe nao?” Ûguo gûtingîvoteka! Vîndî îrîa mûvikania arî vamwe nao, matingîvota kwînyerekia.

Luka 18:12

Nîînyerekagia maita maîrî wa kiumia na vingo cionthe ngaruta gîcunjî gîa îkûmi gîa kîrîa kîonthe nathûkûma.’

Aroma 10:3

Nîûndû wa kûrega kûmenya ûthingu ûrîa uumaga kûrî Ngai, o nîmageretie kwîrûthîra ûndû wao o ene. Kwoguo nîmaaregire kûrûmîrîra njîra îrîa Ngai atûcaga mûndû mûthingu.