Maariko 2:15 - ÎVUKU RÎA ÛVORO MWARO

¹⁵ Rîrîa Jesû eekarîte metharî akîrîa irio kwa Lawi mûciî, etia eengî a mbeca cia gooti na evia arîa maamûrûmîrîrîte, nîmeekaranîre vamwe na Jesû na arutwa ake.

Maariko 2:15 ပူးပေါင်းရင်းမြစ်များ

Mathaayo 5:46

Ethîrwa mwendaga tu wa andû arîa mamwendaga, Ngai angîmûva kîveo nîkî? Wana etia mbeca cia îgooti nîmekaga wa guo!

Maariko 2:14

Na rîrîa aavîtûkaga, nîwonire mwîtia wa mbeca cia gooti wetagwa Lawi mûrû wa Alufayo ekarîte wavicirî yake. Nake Jesû nîwamwîrire atîrî, “Nûmîrîra.” Nake Lawi nîwaûkîrire na akîmûrûmîrîra.

Maariko 2:16

Na rîrîa arimû amwe a watho, a gîkundi Kîam Afarisai moonire Jesû akîrîcanîra na evia na etia a mbeca cia gooti, nîmaaûririe arutwa ake atîrî, “Nîndûî gîtûmaga arîcanîrena andû ta aya?”

Luka 15:1

Mûthenya ûmwe etia eengî a mbeca cia gooti na evia nîmaathiîre varîa Jesû aarî kûthikîrîria akîthomithania.

Luka 6:17

Vîndî îrîa Jesû aanyûrûrûkire aumîte kîrîmarî arî vamwe na atûmwa ake, nîwarûngamire vandû varaganu arî vamwe na gîkundi kînene mûno Kîam arutwa ake. Nao andû eengî mûno arîa maaumîte matûûrarî ma Judea, Jerusalemu na nginya matûûrarî ma Turo na Sidoni marîa maarî ndeererî cia îria, nîmaathiîre kûrî Jesû nîguo mamûthikîrîrie na mavonue mîrimû yao.