Maariko 16:8 - ÎVUKU RÎA ÛVORO MWARO

⁸ Nao aka acio nîmaamakire mûno na magîtetema. Kwoguo nîmaaumire mbîrîrarî mavinyûrîte. Nao matiera mûndû wana ûrîkû ûndû ûcio, nîûndû maarî na guoya. [

Maariko 16:8 ပူးပေါင်းရင်းမြစ်များ

2Atha 4:29

Elisha nîwerire Gehazi atîrî, “Îîvarîrie na woce mûragi wakwa na ûthiî naguo. Ûngîcemania na mûndû wa wonthe njîrarî, ndûkamûkethie; na ûngîkethua nî mûndû wa wonthe, ndûkamûketheke. Thiî na wigîrîre mûragi wakwa ûthiûrî wa kaana kau.”

Mathaayo 28:8

Kwoguo aka acio nîmaumire mbîrîrarî na îvenya mamakîte nwatî marî na gîkeno. Nîmaavinyûrire na makîthiî kwîra arutwa a Jesû ûvoro ûcio.

Mathaayo 7:28

Rîrîa Jesû aarîkirie kuga maûndû mau, andû eengî nîmaamakirue nî mûthomithanîrie wake.

Maariko 16:7

Rîu thiîni kûrî arutwa ake mûtagûtigîrîra Petero na mûmeere atîrî, ‘Jesû nîakûthiî Galili mbere yenyu, na kûu nîkuo mûkaamwona wata ûrîa aamwîrire.’ ”

Maariko 16:9

Rîrîa Jesû aariûkire Jumaviri kîraûko tene nîwambire kuumîrîra Mariamu Mûmagidali ûrîa aarutîte ngoma mûgwanja. Nao aka acio nîmaathiîre kûrî Petero na arata ake na makîmava na njîra nguvî ûvoro wonthe ûrîa meerîtwe.

Luka 10:4

Mûtigakuue iveeti, mîvuko wana kana iratû; na mûtigakethie mûndû wana ûmwe njîrarî.

Luka 24:37

Nao nîmegwire guoya mûno na makîmaka nîûndû meciragia atî nî ngoma moonaga.