Maariko 16:18 - ÎVUKU RÎA ÛVORO MWARO

¹⁸ Na mangîkaanyita njoka kana manyue ûrogi, itikaamacûkia. Nîmakaaigîrîra arwaru njara na mavone.”

Maariko 16:18 ပူးပေါင်းရင်းမြစ်များ

Kîam 3:15

Nîngûtûma we na mûndûmûka mûmenane, na mbîkîre ûthû gatagatî ka mbeû yaku na ya mûndûmûka. Mbeû ya mûndûmûka îgaakûringaga kîongo nawe ûkamîrûmaga ndiira ya kûgûrû.”

Thaburi 91:13

Nîûgaakinyanga mînyambû na ciîmvuva, nîûgaakinyanga twana twa mînyambû na twa njoka.

Maariko 5:23

“Kerîtu gakwa karî vakuvî gûkua. Wenda tu ûka ûkaigîrîre njara nîguo kavone na gatûûre mwoyo.”

Luka 10:19

Rîu nie nînamûva ûvoti wa kûthiî mûgîkinyangaga ciîmvuva wana tûng'aurû, na ûvoti wa kûvoota maavinya monthe ma ngoma na gûtirî kîndû gîkaamwîka naaî.

Ciîko 19:12

Andû amwe nîmoocire itambaa na nguo irîa ke aatûmîrîte na makîivira kûrî arwaru. Nao andû acio meka ûguo, arwaru nîmaavonire na maroho macûku makîrutûrûrwa kuuma kûrî o.

Ciîko 3:12

Rîrîa Petero oonire andû acio, nîwamerire atîrî: “Mue andû etû a Isiraeli, ûndû ûyû ûmûmakîtie nîkî? Mûtûroretie na vinya ûguo nîkî? Nîkwa mûreciria atî nî vinya kana ûngai wetû ûtûmire mûndû ûyû athiî na magûrû?

Ciîko 3:16

Vinya wa rîîtwa rîa Jesû nîguo watûma mûndû ûyû ûraarî kîonje agîe na vinya. Ûguo mue mûrona na mûramenya wekîka nîûndû wa gwîtîkia rîîtwa rîa Jesû.

Ciîko 4:10

Tûrenda mue muonthe na andû onthe a Isiraeli mûmenye atî, mûndû ûyû aravonirue na rîîtwa rîa Jesû Kristû wa Nazarethi. Mue mwambire Jesû mûtharavarî îgûrû, nwatî Ngai nîwamûriûkirie. Mûndû ûyû ûronjete magûrû arûngamîte ava mbere yenyu nîûndû wa vinya wa Jesû.

Ciîko 4:22

Mûndû ûcio wavonirue na njîra îo ya kûringîrwa Kîamma aarî na ûkûrû wa makîria ya mîaka mîrongo îna.

Ciîko 4:30

Kûnjûra njara yaku nîguo ûvonanie. Onania magegania na ûringe ciama na njîra ya rîîtwa rîa Jesû ndungata yaku ntheru.”

Ciîko 9:34

Nake Petero nîwamwîrire atîrî, “Aenea, Jesû Kristû nîagûkûvonia wa rîu. Ûkîra na ware ûrîrî waku.” Na wa rîmwe Aenea nîwaûkîrire.

Aroma 16:20

Nake Ngai, ûrîa ûvecanaga thayû, îvinda rîtarî îraca nîakaavoota Caitani na amûve wathani îgûrû rîake. Wega wa Mwathani wetû Jesû Kristû ûrogîa namue.

1Akor 12:9

Roho wa ûcio nîavecaga mûndû ûmwe wîtîkio, na kûrî mûndû wîngî Roho wa ûcio nîavecanaga ûvoti wa kûvonia.