Maariko 16:14 - ÎVUKU RÎA ÛVORO MWARO

¹⁴ Na mûthiiarî, Jesû nîwaumîrîre arutwa arîa îkûmi na ûmwe vîndî îrîa meekarîte metharî makîrîa irio. Nake nîwamatetirie mûno nîûndû wa gûtura wîtîkio, kûmia ngoro ciao na kûrega gwîtîkia arîa maamwonete ariûka.

Maariko 16:14 ပူးပေါင်းရင်းမြစ်များ

Ndari 14:11

Ngai-Mûnene nîwaûririe Musa atîrî, “Andû aya nîmatûûra mareganîte nanie nginya rî? Nîmatûûra maregete kûnîîvoka nginya-rî, na nîguo nanaringa ciama nyîngî makîonaga?

Mathaayo 11:20

Andû arîa maarî matûûrarî kûrîa Jesû aaringîte ciama ciake nyîngî nîmaaregire kwîrira mevia mao. Kwoguo nîwamatetirie akîmeera atîrî,

Mathaayo 17:20

Nake Jesû nîwamacokerie atîrî, “Nîûndû mûrî na wîtîkio mûnini. Nîramwîra na ma atî mwethîrwa mûrî na wîtîkio wîgana ta vîndî ya mûtî wa karatarî, nwa mwîre kîrîma gîkî atîrî, ‘Uma ava na ûthiî vaarîa,’ na nwa kîthiî; na gûtirî ûndû ûkaamûrema. [

Mathaayo 28:17

Na rîrîa maamwonire, nîmaamûgoocire wana gûtuîka amwe gatagatîrî kao maarî na nganja.

Maariko 7:18

Nake Jesû nîwamerire atîrî, “Anga wa namue mûtirî ataûkîre? Gûtirî kîndû wana kîmwe gîtonyaga ndaarî ya mûndû kiumîte nja yake, kîngîtûma agîe na mûgiro,

Luka 24:11

Nwatî atûmwa matietîkia ûvoro ûcio nîûndû megucaga irî ng'ano. [

Luka 24:25

Nake Jesû nîwacokirie atîrî, “Mue irimû ino mûtaviûvaga gwîtîkia na ngoro cienyu maûndû monthe marîa maarirue nî arathi!

Johana 20:25

Kwoguo arutwa acio engî nîmaamwîrire atîrî, “Tue tûrî onu Mwathani!” Nake Toma nîwamerire atîrî, “Nie ndingîtîkia ndonete irema cia mîcumarî njararî ciake na ngavutia irema icio na Kîamra gîakwa na njoke mvutie mbaru ciake.”

Johana 20:26

Vuva wa kiumia kîmwe arutwa nîmaagomanîte vamwe rîngî ndaarî ya nyomba na Toma aarî vamwe nao. Mîrango yarî mîvinge, nwatî Jesû nîwamaumîrîre na akîmeera atîrî, “Gîani na thayû.”

Johana 20:27

Nake nîwacokire akîra Toma atîrî, “Vutia irema ino na Kîamra gîaku, na ûrorie njara ciakwa. Ta vutia mbaru ciakwa. Thirwa nî nganja na wîtîkie!”

Johana 21:1

Vuva wa ûguo Jesû nîwacokire akiumîrîra arutwa ake rîngî îriarî rîa Tiberia. Nake aamaumîrîre na njîra îno:

Johana 21:14

Rîîrî nîrîo rîarî riita rîa kathatû rîa Jesû kuumîrîra arutwa ake arîkia kûriûka kuuma kûrî akuû.

Ciîko 1:3

Vuva wa gûkua gwake Jesû nîweyonithanirie na njîra nyîngî atî aarî mwoyo. Îvindarî rîa mîthenya mîrongo îna kuuma akua nîwamaumîrîre na akîmeera ûvoro wîgiî Ûthamaki wa Ngai.

1Akor 15:5

Ke nîwaumîrîre Petero na agîcoka akiumîrîra atûmwa arîa îkûmi na aîrî.

Kûguû 3:19

Andû arîa nie mendete nîmakaanagia na ngamaverithia. Kwoguo gîani na kîîo na mwîrire.