Maariko 16:1 - ÎVUKU RÎA ÛVORO MWARO

¹ Thavatû yavîtûka, Mariamu Mûmagidali, Salome na Mariamu ng'ina wa Jakuvu nîmaagûrire indo cianungaga waro nîguo mathiî makavake mwîrî wa Jesû.

Maariko 16:1 ပူးပေါင်းရင်းမြစ်များ

Kîam 50:2

Nîwacokire akîatha ndungata ciake ciûmithie mwîrî wa îthe. Nao nîmeekire guo.

2Maû 16:14

Nîwathikirwe mbîrîrarî îrîa ke mwene aacîte îthigarî, îtûûrarî rîa Daudi. Nîmaamwîkîrire îthandûkûrî rîa kûmûthika narîo, rîrîa rîecûrîtue mînyamû mînungi waro ya mîthemba mîîngî yarûthîtwe nî andû arîa maarî na wara wa kûmîthondeka. Nîmaacokire magîakia mwaki mûnene mûno nîûndû wa kwonania gîtîîo kûrî ke.

Maariko 14:3

Jesû aarî îtûûrarî rîa Bethania mûciî gwa Simoni ûrîa warwarîte mangû. Rîrîa Jesû aarîcaga irio, mûndûmûka ûmwe nîwatonyire kûu nyomba akuuîte mûcuva wîcûrîte maguta maanungaga waro na ma goro. Nake mûndûmûka ûcio nîwakunûrire mûcuva ûcio na agîtîrîria maguta mau kîongorî Kîam Jesû.

Maariko 14:8

Mûndûmûka ûyû eka ûrîa avota gwîka. Etîrîria maguta mwîrîrî wakwa, nîguo aûvarîrie mbere ya ûthikwe.

Maariko 15:40

Na vau vaarî na aka meeroragîria marî varaca. Gatagatîrî kao kwarî na Mariamu Mûmagidali, Salome na Mariamu ng'ina wa Josefu na Jakuvu ûrîa mûnini.

Maariko 15:42

Kwarî kîvwaî mûthenya wa kwîvarîria na nîguo mûthenya ûrîa wî mbere ya mûthenya wa thavatû.

Maariko 15:47

Nake Mariamu Mûmagidali na Mariamu ng'ina wa Josefu, nîmoonire varîa mwîrî wa Jesû waigirwe.

Maariko 16:2

Mûthenya wa Jumaviri kîraûko tene riûa rîkîratha, aka acio nîmaathiîre mbîrîrarî.

Maariko 16:8

Nao aka acio nîmaamakire mûno na magîtetema. Kwoguo nîmaaumire mbîrîrarî mavinyûrîte. Nao matiera mûndû wana ûrîkû ûndû ûcio, nîûndû maarî na guoya. [

Luka 23:54

Mûthenya ûcio warî wa Jumaa nayo thavatû yarî vakuvî kwambîrîria.

Luka 23:56

Nîmaacokire makînûka, makîvarîria indo cianungaga waro na maguta maanungaga waro ma gwîtîrîria mwîrî wa Jesû. Naguo mûthenya wa thavatû wakinya nîmaanogokire wata ûrîa Watho wathanîte.

Luka 24:1

Mûthenya wa Jumaviri kîraûko tene, aka arîa maaumîte Jesû vuva kuuma îtûûra rîa Galili nîmaathiîre mbîrîrarî makuuîte indo irîa maathondekete na cianungaga waro.

Johana 19:25

Nao ng'ina wa Jesû, mwarwang'ina na ng'ina wa Jesû, Mariamu mûka wa Kileopa na Mariamu Mûmagidali, nîmaarûngamîte vakuvî na mûtharava wa Jesû.

Johana 19:31

Vuva wa ûguo Ayahudi nîmaaûririe Pilato ametîkîrie maunange magûrû ma andû acio maambîtwe na vuvarî macurûrie mîîrî îo kuuma mîtharavarî. Maaûririe metîkîrue gwîka ûguo nîûndû mûthenya ûcio warî wa Jumaa, na thavatû îo yarî ya vata mûno. Matiendaga mîîrî îo îkare mîtharavarî mûthenya wa thavatû.