Maariko 14:54 - ÎVUKU RÎA ÛVORO MWARO

⁵⁴ Nake Petero nîwaumire Jesû vuva arî varaca na agîkinya nja ya nyomba ya Mûthînjîri-Ngai ûcio mûnene. Petero nîwekarire vau nja agîotaga mwaki arî vamwe na arangîri.

Maariko 14:54 ပူးပေါင်းရင်းမြစ်များ

1Atha 19:13

Rîrîa Elija eegwire kamûgambo kau, nîwekunîkire ûthiû wake na nguo yake na akiuma akîrûngama mûromorî wa ngurunga. Na wa rîmwe nîwegwire mûgambo ûkîmûria atîrî, “Elija, ûreka atîa ava?”

1Atha 19:9

Arî kûu, nîwatoonyire ngurungarî na akîraara kuo. Wa rîmwe Ngai-Mûnene nîwamumîrîre na akîmûria atîrî, “Elija, ûreka atîa ava?”

Mathaayo 26:3

Nao anene a athînjîri-Ngai wa vamwe na athuuri nîmaacemanirie mûciî kwa Mûthînjîri-Ngai mûnene wetagwa Kaiafa,

Mathaayo 26:58

Nake Petero nîwaumire Jesû vuva arî varaca, nginya magîkinya nja ya mûciî wa Mûthînjîri-Ngai mûnene. Nîwekarire vau nja marî na arangîri nîguo one ûrîa gûgwîkara.

Maariko 14:38

Îkaragani mwîmenyererete nîguo mûtikagwe mageriorî. Ngoro nî îrenda nwatî mwîrî ndûrî na vinya.”

Maariko 14:66

Vîndî îrîa Petero aarî vau nja ya kîvaro, mwîrîtu ûmwe warî ndungata ya Mûthînjîri-Ngai mûnene nîwakinyire.

Luka 22:44

Jesû arî na ûrûrû mwîngî ngororî yake, nîwavoire na kîo kîîngî mûno. Nayo nthithina yake nîyagwîcaga nthî îkariî ta matata manene ma nthakame.]

Luka 22:54

Nao nîmaanyitire Jesû na makîmûvira mûciî kwa Mûthînjîri-Ngai ûrîa mûnene. Nake Petero nîwamaumire vuva arî varaca.

Johana 18:18

Na nîûndû kwarî na mvevo, ndungata na arangîri maarî akiu mwaki wa makara na nîmaarûngamîte maûthiûrûrûkîrîtie makîwota. Kwoguo Petero nîwathiîre na akîrûngama vamwe nao nîguo ote mwaki.

Johana 18:25

Rîrîa Petero aarûngamîte vau nja agîota mwaki, andû amwe arîa maarî vo nîmaamûririe atîrî, “Na kinthî wa nawe ndûrî ûmwe wa arutwa a mûndû ûûrîa?” Nwatî Petero nîwakaanire akiugaga atîrî, “Nie ndirî ûmwe wa arutwa ake.”

1Sam 13:7

Nao arîa engî makîringa rûnjî rwa Jorodani makîthiî mavûrûrirî ma Gadi na Gileadi. Vîndî îo Saûlo aarî Giligali, nao andû onthe arîa maarî nake nîkwa maainainaga nîndû wa guoya.