Maariko 14:41 - ÎVUKU RÎA ÛVORO MWARO

⁴¹ Na rîrîa aathiîre varîa maarî riita rîa kathatû, nîwamerire atîrî, “Anga nginya rîu mûrî toro mûvurûkîte? Nî îthirîre vau! Îvinda nîrîakinya na Mûrû wa Mûndû nîakûnenganîrwa kûrî evia.

Maariko 14:41 ပူးပေါင်းရင်းမြစ်များ

1Atha 18:27

Rîrîa thaa thita cia mûthenya ciakinyire, Elija nîwambîrîre kûmathekerera akîmeeraga atîrî, “Voyani mugîrîrîtie mûno, nîûndû ke nî ngai! Nwaethîrwe arî na maûndû areciria, kana arî na kaûndû areka, kana nîmûthiîu rûgendo! Kana nwa ethîrwe amamîte, na nwanginya mûmûramûkie!”

1Atha 22:15

Rîrîa Mikaia aakinyire kûrî mûthamaki Ahabu, Mûthamaki nîwamûririe atîrî, “Mikaia, nie na mûthamaki Jehoshafati tûthiî mbaararî kûu Ramothi-gileadi kana twîkare?” Nake Mikaia nîwamûcokerie atîrî, “Thiî kuo na ûtharîkîre na nîûkûvootana! Ngai-Mûnene nîagûkûvotithia kûvootana.”

2Atha 3:13

Elisha nîwerire mûthamaki wa Isiraeli atîrî, “Nîngûtethia nîkî? Thiî kûrî arathi a aguo na nyûkwe.” Nwatî mûthamaki wa Isiraeli nîwacokerie Elisha atîrî, “Naarî! Nî Ngai-Mûnene ûtwîtîte vamwe tûrî athamaki athatû nîguo atûnenganîre kûrî mûthamaki wa Moabu.”

Mûvunjia 11:9

We mwanake kenagîra wîthî waku. Ngoro yaku nî îkenagîre wîthî waku. Îkaga ûrîa ngoro yaku îrenda. Nwatî ririkana atî Ngai nîagaagûtuîra nîûndû wa maûndû marîa monthe wîkaga.

Ezek 20:39

“Rîu mue andû a Isiraeli, Ngai-Mûnene augîte atî: Wa mûndû nîathiî na mbere gûtungatîra mûvuanano wake ethîrwa tîmûnthikîrîria. Nwatî mûtigûcoka gûturithia rîîtwa rîakwa rîtheru gîtîîo na iveo icio cienyu na mîvuanano yenyu ya kûgoocwa.

Mathaayo 26:2

“Mue nîmwîcî atî kîrugo Kîam pasaka nîgîgûkinya vuva wa mîthenya îrî, na Mûrû wa Mûndû nîakûnenganîrwa akambwe.”

Maariko 14:10

Nake Judasi Mûsikariota ûmwe wa arutwa arîa îkûmi na aîrî, nîwathiîre kûrî anene a athînjîri-Ngai nîguo acukanîrîre Jesû kûrî o.

Maariko 14:18

Na rîrîa meekarîte metharî makîrîa irio, Jesû nîwamerire atîrî, “Nîramwîra na ma atî ûmwe gatagatîrî kenyu ûrîa ûrarîcanîra nanie nîakûnjukanîrîra.”

Maariko 14:35

Nake Jesû agendagenda mbere vanini nîwegwîthirie nthî na akîvoya atî angîthîrwa nwa kûvoteke vîndî îo ya thîna ûcio ndîkamûkinyîre.

Maariko 14:40

Rîrîa aacokire rîngî varîa arutwa maarî, nîwamethîrîrie marî toro, nîûndû matingîavotire gwîkara maraûkîtie. Nao nîmaarigirwe nî ûrîa makûmûcokeria.

Maariko 14:42

Rûngamani tûthiî! Roriani mûnjukanîrîri nîwakinya.”

Maariko 7:9

Nake Jesû nîwathiîre na mbere na kûmeera atîrî, “Mue mûrî na wara mwîngî wa kûregana na maathani ma Ngai, nîguo mûrûmîrîre kîrîra kîrîa mwatigîrwe nî methe menyu.

Maariko 9:31

nîûndû nîwathomithagia arutwa ake akîmeeraga atîrî, “Mûrû wa Mûndû nîakaanenganîrwa kûrî andû, nao mamûûrage, na vuva wa mîthenya îthatû, ariûke.”

Johana 12:23

Nake Jesû nîwamerire atîrî, “Îvinda nîrîkinyu Mûrû wa Mûndû avewe riiri.

Johana 12:27

“Rîu nînîrathînîka mûno ngororî yakwa, nwatî nîmbuga atîa? Nîkwa nguuga, ‘Vava ndûgetîkîre nginyîrwe nî îvinda rîîrî?’ Nwatî kîu nîkîo gîtûmi kîrîa gîatûmire mbûke gûkû nthî nîguo nginyîre îvinda rîîrî.

Johana 17:1

Jesû arîkia kwaria maûndû mama, nîwaroririe îgûrû na akîvoya atîrî, “Vava îvinda nîrîkinyu. Goocithia Mûrûguo, nîguo nake Mûrûguo akûgoocithie.

Johana 7:30

Andû amwe arîa maarî vo nîmaageririe kûmûnyita, nwatî gûtirî mûndû wana ûmwe wamûvûrûririe nîûndû îvinda rîake rîtiarî rîkinyu.

Johana 8:20

Jesû aaririe maûndû mama monthe vîndî îrîa aathomithanagia hekarûrî arî vakuvî na kanyomba karîa kaaigagwa tûthandûkû tûrîa twekagîrwa mûvothi. Nwatî gûtirî mûndû wana ûmwe wamûnyitire nîûndû îvinda rîake rîtiarî rîkinyu.

Ciîko 7:52

Nî mûrathi ûrîkû methe menyu ma tene mataanyarira? Arathi acio nîmaanîrîrîte makauga atî Ûrîa-Mûthingu nîagûka, nwatî methe menyu ma tene nîmaamûragire. Na rîu mue nîmwacukanîrîra na mwaûraga Ûrîa Mûthingu.

Atir 10:14

Thiîni mûkarîrîre ngai icio mwathuurire nîguo imûvonokie rîrîa mûranyamarîka.”