Maariko 14:11 - ÎVUKU RÎA ÛVORO MWARO

¹¹ Na rîrîa Judasi aameerire ûvoro ûcio, nîmaakenire mûno na makîmwîra atî nîmakûmûva mbeca. Nake Judasi nîwambîrîrie gûcaria kamweke nîguo amûnenganîre kûrî o.

Maariko 14:11 ပူးပေါင်းရင်းမြစ်များ

1Atha 21:20

Ahabu nîwaûririe Elija atîrî, “Anga we nthû yakwa nîwamona?” Nake Elija nîwacokirie atîrî, “Nînakwona nîûndû nîwîrutîrîte viû gwîka maûndû macûku mbere ya Ngai-Mûnene.

2Atha 5:26

Nwatî Elisha nîwerire Gehazi atîrî, “Kinthî tûtirarî nawe kîîroho rîrîa mûndûmûrûme aumire gîkaarirî gîake Kîam mbaara na agûtûnga? Kau nîko kararî kavinda ga kwamûkîra mbeca, nguo, mîgûnda ya mîtamaiyû îrîa îciaraga matunda na ya mîthavibu, ng'ondu na ndegwa wana kana ndungata cia aka na cia arûme?

Hosea 7:3

Nîmakenagia mûthamaki na waganu wao, na magakenia atongoria na maveeni mao.

Mathaayo 26:14

Nake mûrutwa ûmwe wa arîa îkûmi na aîrî wetagwa Judasi Mûsikariota, nîwathiîre kûrî anene a athînjîri-Ngai

Mathaayo 26:15

na akîmaûria atîrî, “Nîndûî mûkûmva nîngîmûnengera Jesû?” Nao nîmaatarire mbeca mîrongo îthatû cia sîlûva makîmûnengera.

Maariko 14:10

Nake Judasi Mûsikariota ûmwe wa arutwa arîa îkûmi na aîrî, nîwathiîre kûrî anene a athînjîri-Ngai nîguo acukanîrîre Jesû kûrî o.

Maariko 14:12

Mûthenya wa mbere wa Kîrugo gîa kûrîa Mîgate îrîa îtethagîrwa îkîrîtwe ndawa ya kwimbia, na ûrîa tûtûrûme twa kûrîwa vîndî ya pasaka twathînjagwa, arutwa a Jesû nîmaamûririe atîrî, “Ûrenda tûgakûvarîrîrie irio cia pasaka kû?”

Luka 22:3

Caitani nîwatonyire Judasi ûrîa wetagwa Mûsikariota na ûrîa warî ûmwe wa arutwa arîa îkûmi na aîrî a Jesû.

1Tim 6:10

Nîûndû wendi wa mbeca nîkîo kiumo Kîam maûndû marîa macûku monthe. Andû amwe matiganîrîtie wîtîkio wao nîûndû wa kwenda mbeca mûno na makagîa na ûrûrû na kîeva kîîngî ngororî ciao.

Juda 1:11

Na kaî o marî na thîna-î! Marûmagîrîra mîtugo ta îrîa yarî ya Kaini. Nîûndû wa kwenda mbeca, nîmetonyetie mavîtiarî wata marîa Balaamu eekire. Nao nî aremi wata Kora na makaathirua wa take.