Maariko 13:27 - ÎVUKU RÎA ÛVORO MWARO

²⁷ Nake nîagaacoka atûme araika mathiî nthî yonthe makaûnganie andû arîa Ngai ethuurîrîte kuuma gîturi kîmwe Kîam nthî nginya kîrîa kîngî.

Maariko 13:27 ပူးပေါင်းရင်းမြစ်များ

Kîam 49:10

Mûragi wa ûtongoria ndûkaauma Juda, njiarwa ciake nîcio igûtûûra ciathanaga. Mavûrûri monthe nîmakaamwathîkîra, na menamagîrîre mbere yake.

Isaia 65:9

Nîngaatûma kûgîe na njiarwa kuuma kûrî Jakovu, na ndûme Juda kuume andû arîa makaagaa vûrûri wakwa ûrîa ûrî irîma. Andû arîa nthuurîte nîo makaaûgaa, nao arîa mandungatagîra nîo magaatûûra kuo.

Zakaria 2:6

Ngai-Mûnene arera andû ake atîrî, “Ûkani! Umani kûu vûrûrirî wa mwena wa rûgûrû, kûrîa namûnyaganîtie mîena yonthe.

Mathaayo 12:42

Mûthenya wa îtuîro, mûndûmûka mûthamaki wa Sheba nîakaarûngama na onanie ûrîa mue andû a rûciaro rûrû mûrî acûku. Mûndûmûka ûcio nîwathiîre rûgendo rûraca kûthikîrîria ûûgî wa mûthamaki Solomoni. Nie nîramwîra atî ava varî na mûndû mûnene gûkîra Solomoni.

Mathaayo 13:41

Mûrû wa Mûndû nîagaatûma araika ake makaûnganie andû onthe arîa matûmaga andû mevie na arîa aganu nîguo maume ûthamakirî wake.

Mathaayo 13:49

Ûguo nwaguo gûkeethîrwa gwîkariî mûthenya wa îthirîro rîa nthî. Araika nîmagaaûka kûthuurûkania andû arîa acûku nîguo maume gatagatîrî ka arîa athingu.

Mathaayo 24:22

Nwatî Ngai nîanyivanyivîtie mîthenya îo. Tiga nî ûguo, gûtirî mûndû ûngîgaatigara. Nwatî nîûndû wa andû ake arîa ethuurîrîte, Ngai nîakaanyivanyivia mîthenya îo.

Mathaayo 24:24

Nîûndû Mesaya a maveeni na arathi a maveeni nîmakeyumîria. Nîmakoonania ciama na morirû nîguo mangîvota mavîtithie andû arîa Ngai ethuurîrîte.

Mathaayo 24:31

Natuo tûrumbeta nîtûkavuvwa. Nake nîagaacoka atûme araika mathiî nthî yonthe. Nao nîmakaaûngania andû arîa Ngai ethuurîrîte kuuma gîturi kîmwe Kîam nthî nginya kîrîa kîngî.

Maariko 13:20

Nwatî Mwathani nîanyivanyivîtie mîthenya ya mathîna mau, nîûndû wa andû ake arîa ethuurîrîte. Tiga nî ûguo gûtirî mûndû ûngîgaatigara.

Maariko 13:22

Nîûndû andû arîa metucaga Mesaya na arîa metucaga arathi nîmakeyumîria na monanie ciama na morirû nîguo kûngîvoteka mavîtithie andû arîa Ngai ethuurîrîte.

Maariko 13:28

“Tathomani kuumana na mûkûyû mwone atî kavinda karîa mvûa ciaguo ciambîrîria kûruta mathangû, nîmûmenyaga atî vîndî ya mbura îrî vakuvî.

Luka 16:22

“Kavinda karîa mûthîni ûcio aakwire, araika nîmaamûkuuire na makîmûvira îgûrû agekaranîre na Iburahimu kîrugorî îgûrû. Nakîo gîtonga kîu nîgîakwire na gîkîthikwa.

Luka 18:7

Na kinthî ûguo twaguo Ngai atethagia andû ake arîa mamûvoyaga ûtukû na mûthenya? Anga Ngai nwa arege kûmatethia na îvenya?

Johana 10:16

Na nîrî na ng'ondu ciîngî ciakwa itarî rwagarî rûrû, na nwa nginya wa nacio nîirete. Nacio nîikûthikîrîria mûgambo wakwa, na cionthe vamwe ituîke cia ndîthia îmwe na igîe na mûrîthi ûmwe.

Johana 11:52

na ciana cia Ngai irîa inyagarûkîte kûndû kuonthe, nîguo aicokanîrîrie vamwe na aitue kîndû kîmwe.

Aroma 8:33

Nû ûngîona ûndû wa kûthitanga andû arîa Ngai athuurîte? Ngai ke mwene nîamatucaga athingu.

Gûco 30:4

Wana ethîrwa mûnyaganîtie nginya mîthiia ya nthî, Ngai-Mûnene Ngai wenyu nîakaamûruta kuo na amûcokanîrîrie vamwe.

Akol 3:12

Mue mûrî andû a Ngai. Ke nîwamwendire na nîwamûthuurire mûtuîke andû ake. Kwoguo îgucanagîrani ntha, tanavanagîrani, îînyivagieni, îthagîrwani mûrî avoreri na mûrî akirîrîria.

2Ath 2:1

Ariû na aarî a îthe wetû, ûvororî wîgiî gûka kwa Mwathani wetû Jesû Kristû na ûrîa tûgaacemania vamwe nîguo tûmûtûnge, nie nîngûmûria atî;

2Tim 2:10

Kwoguo nyûmagîrîria maûndû monthe nîûndû wa andû arîa athuure nî Ngai, nîguo atî wanao mavonokue nî Jesû Kristû na magîe na riiri wa tene na tene.

1Pet 1:2

Mue mwathuurirwe kûringana na wendi wa Ngai Vava, na mûkîtherua nî Roho nîguo mwathîkagîre Jesû Kristû na mûtherague nî nthakame yake. Mûrotuîka a kwîngîvîrwa nî wega na thayû.