Maariko 13:2 - ÎVUKU RÎA ÛVORO MWARO

² Nake Jesû nîwamwîrire atîrî, “Nîûrona mîako îno mînene û? Gûtirî îthiga wana rîmwe rî ava rîgaatigwa rî îgûrû rîa rîrîa rîngî; monthe nîmakaagwîthua nthî.”

Maariko 13:2 ပူးပေါင်းရင်းမြစ်များ

Jeremia 26:18

“Mika wa Moreshethi nîwarathire vîndî îrîa Hezekia aarî mûthamaki wa Juda, na akîîra andû onthe a Juda atî, ‘Ngai-Mûnene mwene vinya wonthe augîte, Zayuni nîgûkaarîmwa ta ûrîa mûraû ûrîmaga mûgûnda, Jerusalemu gûgaatuîka îganjo, nakîo kîrîma varîa hekarû îtumîtwe gîtuîke mûtitû.’

Danieli 9:26

Îvinda rîu rîathira mûtongoria ûrîa mwamûre nî Ngai nîakaaûragwa na njîra îtarî ya kîvooto. Îtûûra rîu na hekarû nîigaacûkangua nî athigari a mbaara a mûtongoria ûrî vinya mûno. Mûthiia wa îtûûra rîu ûgaakinya ta mwîcûro wa manjî. Ngai nîarutîte watho akauga, îtûûra rîu rîthirue viû.

Mika 3:12

Kwoguo, nîûndû wenyu, Zayuni nîîkarîmwa ta mûgûnda, Jerusalemu îgekara ta îganjo, nakîo kîrîma gîa hekarû gîtuîke mûtitû.

Mathaayo 24:2

Nake Jesû nîwamacokerie atîrî, “Nîmûrona mîako îno yonthe? Nîramwîra na ma atî gûtirî îthiga wana rîmwe rîrî ava rîgaatigwa rî îgûrû rîa rîrîa rîngî; mathiga monthe nîmakoomomorwa.”

Luka 21:6

“Maûndû mama monthe mûrona vîndî nîgakinya îrîa ava vakethîrwa vatarî wana îthiga rîmwe rîrî îgûrû rîa rîrîa rîngî; mathiga monthe nîmakoomomorwa.”

Ciîko 6:14

Tue nîtwegwire mûndû ûyû akiuga atî Jesû wa Nazarethi nîakaatharia hekarû na agarûre mîtugo îrîa twareteerwe nî Musa.”

Kûguû 11:2

Nwatî ndûkathime kîvaro kîrîa kîrî nja ya hekarû. Ndûgakîthime nîûndû nîkîvecanîtwe kûrî andû a ndûrîrî. Andû acio nîmakaathiga Îtûûra rîrîa rîtheru vandû va mîeri mîrongo îna na îîrî.