Maariko 12:6 - ÎVUKU RÎA ÛVORO MWARO

⁶ Mûndû ûcio ndaarî na mûndû wîngî wa gûtûma tiga mûvîcî wake wa mûmwe ûrîa eendete mûno. Na mûthiiarî nîwatûmire mûvîcî kûrî arîmi acio akiugaga atîrî, ‘Nîmbîcî nîmakûva mûvîcîwa gîtîîo!’

Maariko 12:6 ပူးပေါင်းရင်းမြစ်များ

Kîam 22:12

Mûraika nîwerire Iburahimu atîrî, “Ndûkavutie kamwana kau kana ûgeke ûndû; nîûndû nînamenya atî we nîûtîîte Ngai na nîûmwathîkagîra, nîûndû ndûnamûgiria mûvîcîguo wa kîmomwe.”

Kîam 22:2

Nake Ngai nîwamwîrire atîrî, “Oca Isaka mwana waku wa kîmomwe ûrîa wendete mûno, na mûthiî nake vûrûrirî wa Moria. Thiî kîrîmarî kîrîa ngaakwonia na ûrute Isaka arî îgongoona rîa kûvîvua.”

Kîam 37:3

Isiraeli nîwendete mûvîcî Josefu gûkîra anake acio engî onthe ake. Endeete Josefu nîûndû nîko kaana karîa aagîte arî mûkûrû na nîwamûtumîre nguo ndaca yarî na njara ndaca.

Kîam 44:20

Nîtwagûcokerie atîrî, ‘Îî, tûrî na vava na nî mûkûrû na tûrî mûrwaiya wîngî na nîke kîvinga nda kîrîa vava aagîre na ûkûrû. Mûrwang'ina na mwanake ûcio nîwakwire na nîke tu ûtigarîte varî ng'ina mûmûciari. Îthe nîamwendete mûno.’

Thaburi 2:12

mûgooceni mwînyivîtie, nîguo ndakarakare na îvenya, mûkua mûtakinyitie. Kûrathimwa nî andû onthe arîa mathiîcaga kûrî Ngai amagitîre.

Thaburi 2:7

Mûthamaki arauga atîrî, “Nie ngaanîrîra ûrîa Ngai-Mûnene augîte. Ngai-Mûnene aambîrire atî, ‘Ûmûnthî nîwatuîka mûvîcîwa, nanie nînatuîka aguo.

Isaia 42:1

Ngai-Mûnene arauga atîrî, “Îno nîyo ndungata yakwa, îrîa mbîkagîra vinya, nîyo nîîthuurîrîte, na nîyo îngenagia, nînîmwîkîrîte Roho wakwa, nîyo îkaarete kîvooto mavûrûrirî.

Mathaayo 1:23

“Taroriani mwîrîtu nthingi nîakaagîa îvu, na aciare mwana wa kavîcî, ûrîa ûgeetwa Imanueli” (narîo rîîtwa rîîrî rîgîtaûrwa nî kuga “Ngai arî vamwe na tue”).

Mathaayo 11:27

“Vava nîamvete indo cionthe; gûtirî mûndû wîcî mûriû tiga Vava. Na gûtirî mûndû wîcî Vava tiga Mûriû na arîa Mûriû endaga kûmaguûrîria.

Mathaayo 17:5

Na vîndî wa îo Petero wa akîaragia, îtu rîarî na ûtheri mwîngî nîrîaûkire rîkîmakunîkîra. Naguo mûgambo nîwaumire îtuurî rîu na ûkiuga atîrî, “Ûyû nîke Mûrû wakwa ûrîa mendete, na nie nîrîmûkenie mûno nîke, mûthikîrîrieni!”

Mathaayo 26:63

Nwatî Jesû ndaamatumûka, aakirire kivi. Na wa rîngî Mûthînjîri-Ngai ûrîa mûnene nîwerire Jesû atîrî, “Nie nakwatha na rîîtwa rîa Ngai ûrîa ûtûûraga Mwoyo ûtwîre kana we nîwe Mesaya Mûriû wa Ngai.”

Mathaayo 3:17

Naguo mûgambo nîwaumire îgûrû ûkiugaga atîrî, “Ûyû nîke Mûriû wakwa ûrîa mendete, na nîrîmûkenie mûno nîke.”

Maariko 1:11

Naguo mûgambo nîwaumire îgûrû ûkiuga atîrî, “We nîwe Mûrû wakwa ûrîa mendete, nîrîmûkenie mûno nîwe.”

Maariko 12:5

Mwene mûgûnda nîwacokire agîtûma ngombo îngî, nao makîmîûraga. Arîmi acio nîmaatûmîrwe ngombo ciîngî nyîngî, imwe makîiriva na ciîngî magîciûraga.

Maariko 12:7

Nwatî arîmi acio nîmeeranire atîrî, ‘Ûyû nîke ûgaatigîrwa mûgûnda ûyû wî îgai rîake. Ûkani tûmûrage nîguo îgai rîu rîake rîtuîke rîetû.’

Maariko 9:7

Narîo îtu nîrîacokire rîkîmakunîkîra na kîruru Kîam rîo, na mûgambo ûkiuma îtuurî rîu ûkiugaga atîrî, “Ûyû nîke Mûrû wakwa ûrîa mendete, mûthikîrîrieni!”

Luka 3:22

na Roho Mûtheru akîmûnyûrûrûkîra ekariî ta ndutuura. Naguo mûgambo nîwaumire na îgûrû ûkiugaga atîrî, “We nîwe Mûrû wakwa ûrîa mendete; nie nîngenetue nîwe.”

Luka 9:35

Naguo mûgambo nîwaumire îtuurî rîu ûkiugaga atîrî, “Ûyû nîke Mûrû wakwa ûrîa nîthuurîrîte, mûthikagîrîrieni!”

Johana 1:14

Kiugo nîwatuîkire mûndû na agîtûûrania natue ecûrîtwe nî wega na ûma. Natue nîtwonire riiri wake, riiri ûrîa Ngai aaveere Mûriû wake wa mûmwe.

Johana 1:18

Gûtirî mûndû wanona Ngai. Nwatî Mûriû wake wa mûmwe ûrîa wî vakuvî mûno na îthe, nîke ûtûmîte amenyekane.

Johana 1:34

Nie nînona maûndû mama magîkîka na nekîra ûira atî mûndû ûyû nî Mûriû wa Ngai.”

Johana 1:49

Nathanieli nîwacokerie Jesû atîrî, “Mwarimû, we nîwe Mûriû wa Ngai! Nîwe Mûthamaki wa Isiraeli”

Johana 3:35

Îthe nîwendete Mûriû wake na nîatûmîte agîe na wathani îgûrû rîa maûndû monthe.

Johana 5:23

nîguo andû onthe matîîage Mûriû wata ûrîa matîîaga Îthe. Mûndû wa wonthe ûtatîîaga Mûriû, ndatîîaga Îthe ûrîa wamûtûmire.

Ahib 1:6

Nwatî rîrîa Ngai aarî vakuvî kûrete Mûriû wake wa îrikithathi gûkû nthî nîwaugire atîrî, “Araika onthe a Ngai nwanginya mamûgooce.”

1Joh 4:9

Ngai nîwonanirie ûrîa atwendete na njîra îno; ke nîwatûmire Mûrû wake wa mûmwe gûkû nthî nîguo tûgîe mwoyo nîûndû wake.

3Joh 1:1

Nie mûthuuri, nîrakwandîkîra we Gayo mûrata wakwa ûrîa mendete na ma.