Maariko 12:44 - ÎVUKU RÎA ÛVORO MWARO

⁴⁴ Nîûndû acio engî onthe marekia matigari ma ûtonga wao, nwatî ûyû athînîte ûguo athînîte, arekia mbeca cionthe irîa ararî nacio mûthithûrî wake.”

Maariko 12:44 ပူးပေါင်းရင်းမြစ်များ

Maariko 12:43

Nake Jesû nîwetire arutwa ake na akîmeera atîrî, “Nîramwîra na ma atî mûndûmûka ûyû wa ndigwa mûthîni nîwarekia mbeca nyîngî kathandûkûrî ka mûvothi gûkîra acio engî onthe.

Maariko 14:8

Mûndûmûka ûyû eka ûrîa avota gwîka. Etîrîria maguta mwîrîrî wakwa, nîguo aûvarîrie mbere ya ûthikwe.

Luka 15:12

Mwanake ûrîa warî mûnini nîwerire îthe atîrî, ‘Vava, nengera îgai rîakwa wa rîu.’ Kwoguo mûndû ûcio nîwagaîre anake acio ake aîrî indo ciake.

Luka 15:30

Nwatî mûvîcîguo anangîte indo cionthe ciaku marî na maraa, na acoka mûciî wamûthînjîra karegwa karîa kanoru!’

Luka 8:43

Na gatagatîrî ka andû acio, vaarî na mûndûmûka watûûrîte mîaka îkûmi na îrî auraga nthakame. Mûndûmûka ûcio nîwavûthîrîte indo cionthe ciake kûrîva ndagîtarî arîa maamûthondekaga, nwatî gûtiarî wana ûmwe wavotete kûmûthondeka.

Gûco 24:6

“Rîrîa wakovithia mûndû kîndû, ndûgooce îthiga kana nthio yake, atî nîguo wîkare nayo nginya rîrîa akaarîva; nîûndû gwîka ûguo nî gûcuuna mûciî kîrîa mavaragîrîria gîa kûrîa nakîo nîguo matûûre mwoyo.

1Joh 3:17

Mûndû angîthîrwa nî mûtongu na one mûrwang'ina kana mwarwang'ina arî na thîna nwatî arege kûmwîguîra ntha, mûndû ûcio nwa ethîrwe endete Ngai?