Maariko 11:7 - ÎVUKU RÎA ÛVORO MWARO

⁷ Nao arutwa nîmaavirire njaû îo kûrî Jesû, makîmigîrîra nguo ciao, nake akîmîkarîra.

Maariko 11:7 ပူးပေါင်းရင်းမြစ်များ

2Atha 9:13

Wa rîmwe anene acio nîmaarutire nguo ciao na magîciara nthî nîguo Jehu akinye îgûrû rîacio. Nîmaacokire makîvuva tûrumbeta na makiugîrîria atîrî, “Jehu nîke Mûthamaki!”

Zakaria 9:9

Mue andû a Zayuni kenani mûno; Mue andû a Jerusalemu ugîrîriani na vinya. Taroriani, mûthamaki wenyu nîaûkîte kûrî mue, aûkîte akenete na arî na ûvootani. Nî mwînyivia na akuuîtwe nî mvunda, akuuîtwe nî njaû ya mvunda.

Maariko 11:6

Nao arutwa acio nîmaamacokerie wata ûrîa Jesû aamerîte, na andû acio makîmetîkîria mathiî nayo.

Maariko 11:8

Nao andû eengî nîmaatandîkire nguo ciao njîrarî na engî makiuna mathîgî kîthakarî na makîmatandîka njîrarî.