Maariko 11:3 - ÎVUKU RÎA ÛVORO MWARO

³ Na mûngîûrua nî mûndû gîtûmi gîa gwîka ûguo, mwîreni, ‘Mwathani nîamîvatarîte na nîakûmûcokeria narua.’ ”

Maariko 11:3 ပူးပေါင်းရင်းမြစ်များ

Thaburi 110:3

Mûthenya ûrîa ûkaathiî kûrûa na nthû ciaku, andû aku nîmakevecana na njîra ya kwîyendera. Ta ûrîa îme riumaga kîraûko tene, nîguo anake aku magaaûka kûrî we irîmarî irîa nyamûre.

Thaburi 24:1

Nthî na indo cionthe irîa irî kuo nî cia Ngai-Mûnene, nthî nî yake wana andû onthe arîa matûûraga kuo nî ake.

Maariko 11:2

“Thiîni gîcagirî kîîrîa kîrî mbere yenyu, na mwakinya kuo warîo, nîmûkwona njaû ya mvunda îtaanakuua mûndû îthaîkîtwe vau nja. Mîthaûreni mûmîrete ava.

Maariko 11:4

Kwoguo andû acio aîrî nîmaathiîre na makîthîra njaû îthaîkîtwe vau nja ya nyomba. Na rîrîa maamîthaûraga,

Maariko 14:15

Nake nîagûcoka amwonie nyomba ya îgûrû îkîrîtwe indo cionthe na îmvarîrie. Na aamwonia kuo, mûtûvarîrîrie irio cia pasaka.”

Ciîko 1:24

Nao nîmavoire makiugaga atîrî, “Mwathani we nîwîcî meciria ma andû onthe, ta twonie gatagatîrî ka andû aya aîrî ûrîa we ûthuurîte

Ciîko 10:36

Mue nîmwîcî ndûmîrîri îrîa Ngai aatûmire kûrî andû a Isiraeli. Ndûmîrîri îo yarî Ûvoro Mwaro wa thayû. Ûvoro ûcio waûkire na njîra ya Jesû Kristû ûrîa arî ke Mwathani wa andû onthe.

Ciîko 17:25

Ke mwene nîke ûvecanaga mwoyo, mîvevû na indo cionthe irîa andû mavataraga. Ke ndethagîrwa akîvatara ûtethio wana ûrîkû kuuma kûrî o, nîûndû ethagîrwa arî na indo cionthe irîa avataraga.

2Akor 8:9

Mue nîmwîcî wega wa Mwathani wetû Jesû Kristû. Wana ethîrwa aarî mûtongu, ke nîwetwire mûthîni nîûndû wenyu nîguo atûme mûtuîke atongu na njîra ya ûthîni wake.