Maariko 11:23 - ÎVUKU RÎA ÛVORO MWARO

²³ Nîramwîra na ma atî, mûndû wa wonthe nwa eere kîrîma gîkî, ‘Îkûûre na wîikie îriarî.’ Ke nwa avingîrue ûndû ûyû angîthîrwa ndarî na nganja ngororî yake, nwatî nîetîkîtie atî ûndû ûcio auga nîûgûtuîkîka.

Maariko 11:23 ပူးပေါင်းရင်းမြစ်များ

Thaburi 37:4

Cariani gîkeno kûrî Ngai-Mûnene, nake akaamûvecaga kîrîa mwîriragîria.

Mathaayo 14:13

Rîrîa Jesû eegwire ûvoro wîgiî Johana, nîwatwîre gatarûrî akiuma kûu na akîthiî vandû vataarî na andû arî wenga. Nwatî rîrîa andû meegwire ûguo, nîmaaumire matûûrarî mao na makîmûrûmîrîra mathiîte na magûrû.

Mathaayo 17:20

Nake Jesû nîwamacokerie atîrî, “Nîûndû mûrî na wîtîkio mûnini. Nîramwîra na ma atî mwethîrwa mûrî na wîtîkio wîgana ta vîndî ya mûtî wa karatarî, nwa mwîre kîrîma gîkî atîrî, ‘Uma ava na ûthiî vaarîa,’ na nwa kîthiî; na gûtirî ûndû ûkaamûrema. [

Mathaayo 21:21

Nake Jesû nîwamacokerie atîrî, “Nie nîramwîra nama atî mûngîtîkia mûtarî na nganja, mue nwa mûvote gwîka ûrîa nie neka mûkûyû ûyû. Na twa ûguo wonga, nwatî nwa mûvote wana kwîra kîrîma gîkî atîrî, ‘Îîkûûre na wîikie îriarî, na gîgeikia.’

Luka 17:6

Nake Mwathani nîwamacokerie atîrî, “Angîthîrwa mûrî na wîtîkio wîgana ta mvîndî ya mûtî wa karatarî, nwa mwîre mûkûyû ûyû atîrî, ‘Îîkûûre na wîvande îriarî!’ Naguo nwa ûmwathîkîre.

Johana 14:13

Ûndû wa wonthe ûrîa mûkavoyaga na rîîtwa rîakwa ngawîkaga, nîguo Vava akumague na njîra ya Mûriû.

Johana 15:7

Ethîrwa mûgekaraga ndaarî yakwa na ciugo ciakwa igekara ndaarî yenyu, ngaamûvecaga kîndû wa kîonthe kîrîa mûkaambîtagia.

1Akor 13:2

Nwa mbîthîrwe nîmvotaga kûvunjia ndûmîrîri ya Ngai, na nwa mbîthîrwe nîmenyaga maûndû monthe na ngataûkîrwa nî maûndû monthe marîa marî nthithorî. Wana nwa mbîthîrwe nîrî na wîtîkio mûnene ta ûrîa ûngîvota kûthamia irîma. Nwatî ethîrwa ndirî na wendani, ndirî na vata wana vanini.