Maariko 11:18 - ÎVUKU RÎA ÛVORO MWARO

¹⁸ Rîrîa anene a athînjîri-Ngai na arimû a watho meeguire ûvoro ûcio, nîmaambîrîrie gûcaria ûrîa mangîmûûraga. Nao nîmaamwîtigagîra nîûndû kîrîndî nîkîamakagua mûno nî mûthomithanîrie wake.

Maariko 11:18 ပူးပေါင်းရင်းမြစ်များ

1Atha 21:20

Ahabu nîwaûririe Elija atîrî, “Anga we nthû yakwa nîwamona?” Nake Elija nîwacokirie atîrî, “Nînakwona nîûndû nîwîrutîrîte viû gwîka maûndû macûku mbere ya Ngai-Mûnene.

1Atha 22:18

Ahabu, mûthamaki wa Isiraeli nîwerire Jehoshafati atîrî, “Kinthî ndikwîrire, atî ndandathagîra wanarî ûndû mwaro? Arathaga ûndû ûyû mûcûku tu vîndî cionthe!”

1Atha 22:8

Ahabu, mûthamaki wa Isiraeli nîwacokirie atîrî, “Kûrî na mûrathi wa Ngai-Mûnene ûmwe ûtigarîte, Mikaia, mûvîcî wa Imula. Nwatî ndimwendete nîûndû ndaanaratha wanarî ûndû mwaro ûmbîgiî; vîndî cionthe andathagîra maûndû mama macûku.” Jehoshafati nîwamûcokerie atîrî, “Mûthamaki, ndwagîrîrwe nî kuga ûguo!”

Isaia 49:7

Ngai-Mûnene mûkûri wa Isiraeli na ûrîa Mûtheru wake, arera ûrîa ûnyararîtwe mûno, ûrîa ûmenetwe nî andû a mavûrûri na nî ndungata ya athamaki atîrî, “Athamaki nîmagaakwona na marûngame magûtîîe; anene wanao nîmakenamîrîria mothiû mao magûtîîe.” Mageeka ûguo nîûndû wa ûrîa nie Ngai-Mûnene nîrî mwîvokeku, Ûrîa Mûtheru wa Isiraeli, nîke ûkûthuurîte.

Mathaayo 21:15

Nwatî anene a athînjîri-Ngai na arimû a Watho nîmaarakarire moona maûndû manene marîa Jesû eekaga. Nîmaarakarire megua ciana ikiugîrîria irî hekarûrî atîrî, “Hosana Mûrû wa Daudi!”

Mathaayo 7:28

Rîrîa Jesû aarîkirie kuga maûndû mau, andû eengî nîmaamakirue nî mûthomithanîrie wake.

Maariko 1:22

Nao andû arîa maamûthikîrîrîtie nîmaamakire nîûndû athomithanagia ta mûndû warî na wathani, nwatî tî ta arimû a Watho.

Maariko 11:32

Nwatî wona twamûcokeria atî, ‘Warî wa kuuma kûrî andû ...’ ” (Nao nîmeetigagîra nîûndû andû meetîkîtie atî Johana aarî mûrathi wa ma.)

Maariko 12:12

Nao anene a Ayahudi nîmaageririe kûmûnyita nîûndû nîmaamenyire atî nî ûvoro wao Jesû aaragia na ngerekano îo. Nwatî nîmeetigîre kîrîndî na kwaguo makîmûtiga na makîîthiîra.

Maariko 3:6

Nao Afarisai moona ûguo nîmaaumire îvoerorî, na makîthiî ndundu na Aerodia nîguo mavange ûrîa makûragithia Jesû.

Maariko 6:20

nîûndû Herode arîkia kûmenya atî Johana aarî mûndû mûthingu na mûtheru, nîwamwîtigîre, na kwoguo akîmûgitîra. Nake Herode nîwendaga kûthikîrîria Johana wana ethîrwa nîwathînîkaga mûno ngororî yake amwîgua.

Luka 19:47

Wa mûthenya Jesû nîwathomithanagîria hekarûrî. Nao anene a athînjîri-Ngai, arimû a Watho wa vamwe na atongoria a andû nîmeendaga kûmûraga.

Luka 2:47

Nao andû onthe arîa meegwire ciugo ciake nîmaamakire mûno nîûndû wa ûrîa aacokagia ciûria arî na ûûgî mwîngî.

Luka 20:19

Vîndî wa îo, arimû a Watho na anene a athînjîri-Ngai nîmaageririe kûnyita Jesû nîûndû nîmaaicî atî aavecanire ngerekano îo nîûndû wao. Nwatî nao nîmeetigîre andû.

Luka 4:22

Andû onthe nîmaakenirue mûno nîke na makîmaka, nîûndû wa mîario mîaro îrîa aaragia. Nao nîmaambîrîrie kûrania atîrî, “Na kinthî ûyû tî mûvîcî wa Josefu?”

Johana 7:1

Vuva wa ûguo, Jesû nîwathiîre Galili. Ke ndeendaga kûthiî Judea nîûndû Ayahudi arîa maarî kuo nîmeendaga kûmûraga.

Johana 7:19

Na kinthî Musa tîke wamûveere watho? Nwatî gûtirî mûndû wana ûmwe gatagatîrî kenyu wathîkagîra watho. Mûrenda kûmbûraga nîkî?”

Johana 7:46

Nao arangîri nîmaamacokirie atîrî, “Gûtirî mûndû wanaaria maûndû marîa mûndû ûyû araria!”

Ciîko 24:25

Nwatî vîndî îrîa Paûlo aathiîcaga na mbere kwaria ûvoro wîgiî ûthingu, ûvoti wa kwatha merirîria ma mwîrî na mavinda marîa Mûthenya wa îtuîro ûgaakinya, Feliki nîwanyitirwe nî guoya na akiuga atîrî, “We nwa ûthiî rîu. Nagîa na kanya nîngaagwîta rîngî.”