Maariko 11:13 - ÎVUKU RÎA ÛVORO MWARO

¹³ Na rîrîa oonire mûkûyû ûrî varaca na ûrurîte waro, nîwathiîre kwona kana warî na ngûyû. Nwatî rîrîa aakinyire varî guo, nîwonire atî ndwarî na ngûyû tiga mathangû tu, nîûndû kau tîko kaarî kavinda kaguo ga gûciara.

Maariko 11:13 ပူးပေါင်းရင်းမြစ်များ

Isaia 5:2

Nîwacimbire mûgûnda ûcio na akîûngania mathiga monthe; na akîvanda mîthavibu îrîa mîaro mûno. Nîwatumire nyomba ndaca na îgûrû gatagatî ka mûgûnda ûcio nîûndû wa kûûgitîra, na akîrûtha vandû va kûvivîra ndivei kûu mûgûndarî. Nîweterere mîthavibu iciare, nwatî mîthavibu îo yaciarire thavibu cia kîthaka.

Isaia 5:7

Nîûndû mûgûnda wa Ngai-Mûnene mwene vinya wonthe nî nyomba ya Isiraeli. Andû a Juda nîo mîthavibu mîaro îrîa aavandire; eevokaga nîmagwîka ûrîa kwagîrîrîte, nwatî vandû va ûguo, nîmaûraganîte; eevokaga nîmakwîthîrwa marî athingu, nwatî vandû va ûguo nîmaatûmire kûgîe na kîrîro.

Mathaayo 21:19

Rîrîa oonire mûtî wa mûkûyû mûkîrarî wa njîra, nîwathiîre varî guo nwatî akîona ûtarî na maciaro tiga mathangû matheri. Kwoguo ke nîwawîrire atîrî, “We ndûrî vîndî ûgaaciara ngûû rîngî.” Naguo mûkûyû nîwaûmire wa rîmwe.

Maariko 11:12

Mûthenya ûcio wîngî warûmîrîrîte, rîrîa Jesû na arutwa ake maaumîte Bethania, Jesû aarî mûvûtu.

Maariko 11:14

Nake Jesû nîwerire mûkûyû ûcio atîrî, “Gûtirî mûndû ûkaarîa ngûyû rîngî ciumîte kûrî we!” Nao arutwa ake nîmeguire akiuga ûguo.

Luka 10:31

Na kavinda wa kau, mûthînjîri-Ngai ûmwe nîwanyûrûrûkîte varavararî wa îo. Nwatî rîrîa ke oonire mûndû ûcio nîwamwererekere na akîvîtûkîra mûkîra ûcio wîngî wa varavara.

Ruthu 2:3

Kwoguo Ruthu nîwathiîre mûgûndarî na akiuma akethi vuva akîûnganagia cairi îrîa yatigagwa. Ruthu atanarî kûmenya, nîwathiîre mûgûndarî wa Boazu ûrîa warî wa mbarî ya Elimeleku.

1Sam 6:9

Namue mwîkare mûkîroretie ûrîa gîkûthiî. Ethîrwa nîkîthiî kîerekerete îtûûra rîa Bethi-shemeshu, ûguo nî kuga atî Ngai wa Aisiraeli. Nî ûtûmîte twîthîrwe tûrî na mathîna mana. Nwatî ethîrwa tî kîthiî kîerekerete îtûûra rîu, nîtûkûmenya atî tîke watûretere mûthiro, nwatî nî ûndû wa gûka wa ûguo tu.”