Maariko 10:47 - ÎVUKU RÎA ÛVORO MWARO

⁴⁷ Rîrîa mûtumumu ûcio eegwire atî nî Jesû wa Nazarethi wavîtûkîrîrîte vau, nîwaugîrîrie atîrî, “Jesû Mûrû wa Daudi, mbîguîra ntha!”

Maariko 10:47 ပူးပေါင်းရင်းမြစ်များ

Isaia 11:1

Nîgûkaaumîra mûthamaki kuuma njiarwarî cia Jesii, ta ûrîa rûvûa rûkûraga kuuma mûtîrî.

Mathaayo 1:1

Ûyû nîguo mûtaratara wa methe ma tene ma Jesû Kristû wa mbarî ya Daudi, ûrîa warî wa mbarî ya Iburahimu.

Mathaayo 12:23

Andû onthe nîmaamakire nîûndû wa ûrîa Jesû eekîte na makîûria atîrî, “Mûndû ûyû nwa ethîrwe arî ke mûrû wa Daudi?”

Mathaayo 15:22

Na mûndûmûka Mûkanaani ûrîa watûûraga kûu gîcunjîrî kîu nîwathiîre kûrî ke na akiugîrîria atîrî, “Mwathani, Mûrû wa Daudi, mbîguîra ntha! Mwîrîtu wakwa nî mûnyite nî ngoma na nîmûcûkîre mûno.”

Mathaayo 2:23

Nake Josefu nîwathaamîre îtûûrarî rîa Nazarethi na agîtûûra kuo. Namo maûndû nîmaavingire marîa arathi maaugîte atî: “Ke nîageetwa Mûnazari.”

Mathaayo 20:30

Nao atumumu aîrî arîa meekarîte mûkîra wa njîra nîmeguire atî nî Jesû ûravîtûka. Kwoguo nîmaanîrîre atîrî, “Mûrû wa Daudi twîguîre ntha.”

Mathaayo 21:11

Nakîo kîrîndî nîgîacokirie atîrî, “Ûyû nîke Jesû ûrîa mûrathi, kuuma îtûûrarî rîa Nazarethi, rîrîa rîrî Galili.”

Mathaayo 21:9

Nao andû arîa maarî mbere ya Jesû, na arîa maamumîte vuva nîmaambîrîrie kugîrîria atîrî, “Hosana, Mûrû wa Daudi! Ngai arorathima ûrîa ûkîte na rîîtwa rîa Mwathani! Hosana Ngai ûrîa ûrî îgûrû mûno.”

Mathaayo 26:71

Petero nîwacokire akîthiî ya mwîrîgarî. Nake mwîrîtu wîngî warî ndungata nîwamwonire na îkîra andû arîa maarûngamîte vo atîrî, “Mûndû ûyû mararî na Jesû wa Nazarethi.”

Mathaayo 9:27

Nake Jesû nîwaumire kûu. Na arî njîrarî athiîte, nîwaumirwe vuva nî atumumu aîrî. Atumumu acio nîmaaugîrîrie atîrî, “Twîguîre ntha, Mûrû wa Daudi!”

Maariko 1:24

“Ûrenda atîa natue we Jesû wa Nazarethi? Ûkîte gûtûthiria? Nîngwîcî we wî û. We wî ûrîa Mûtheru wa Ngai!”

Luka 4:16

Jesû nîwathiîre îtûûrarî rîa Nazarethi kûrîa aarereretwe. Naguo mûthenya wa thavatû wakinya, wa ta mûtugo, Jesû nîwathiîre na agîtonya îvoerorî. Na rîrîa aarûngamire nîguo athome,

Johana 1:46

Nake Nathanieli nîwaûririe Filipu atîrî, “Kûrî kîndû Kîamro kîngiuma îtûûrarî rîa Nazarethi?” Nake Filipu nîwamûcokerie atîrî, “Ûka ûkone.”

Johana 19:19

Pilato nîwandîkithirie kîmenyithia na akiuga gîcuurue mûtharavarî wa Jesû. Nakîo kîmenyithia kîu Kîamndîkîtwe atîrî, “Jesû wa Nazarethi, Mûthamaki wa Ayahudi.”

Johana 7:41

Nao andû amwe nîmaaugire atîrî, “Ke nîke Mesaya!” Nwatî andû engî nîmaaugire atîrî, “Anga Mesaya akaauma îtûûrarî rîa Galili?

Johana 7:52

Nao nîmaamûcokerie atîrî, “Anga wa nawe wî wa kuuma îtûûrarî rîa Galili? Tuîria waro Mandîkorî Matheru wone atî gûtirî mûrathi ûkaauma îtûûrarî rîa Galili.”

Ciîko 6:14

Tue nîtwegwire mûndû ûyû akiuga atî Jesû wa Nazarethi nîakaatharia hekarû na agarûre mîtugo îrîa twareteerwe nî Musa.”

Kûguû 22:16

“Nie Jesû, nînie ndûmîte mûraika wakwa kûrî mue nîguo anîrîre ndûmîrîri îno kûu makanitharî. Nie nîrî wa rûciaro rwa nyomba ya Daudi. Nie nînie njata îrîa ngengu ya kîraûko.”