Maariko 10:24 - ÎVUKU RÎA ÛVORO MWARO

²⁴ Nao arutwa nîmaamakire mûno nîûndû wa ciugo icio, nwatî Jesû nîwathiîre na mbere na kûmeera atîrî, “Ciana ciakwa, na kaî nî ûndû wî na vinya gûtonya Ûthamakirî wa Ngai-î.

Maariko 10:24 ပူးပေါင်းရင်းမြစ်များ

Thaburi 17:14

mvonokia na vinya waku we Ngai-Mûnene, kuuma kûrî andû arîa marî na indo cionthe irîa mendaga. Maverithie na îvera rîrîa ûmaigîrîte, ciana ciao irokinyîrwa nî îvera rîu, na rîkinyîre ciana cia ciana ciao!

Thaburi 52:7

“Taroriani, mûndû ûtevoka Mwathani arî mûgitîri wake, nwatî aaigire mwîvoko wake varî ûtonga wake mwîngî na akiga ûgitîri wake varî ûtonga wake.”

Thaburi 62:10

Mûtikaige mwîvoko wenyu varî kûvinyanînîria; mûtikevoke kûgîa na indo na njîra ya gûcuunana na vinya; wana ûtonga wongerereka mûtikaige ngoro cienyu varî guo.

Nthi 11:28

Mûndû ûrîa wîvokaga ûtonga wake agûcaga ta îthangû vîndî ya riûa, nwatî mûndû ûrîa mûthingu ekaraga ta îthangû vîndî ya mbura.

Nthi 18:11

Itonga ciîciragia atî igitagîrwa nî ûtonga wa cio, ta nthingo ndaca cia vinya ithiûrûrûkîrîtie îtûûra.

Nthi 23:5

Ûtonga ûthiraga ta kûminjia na kûminjûkia, takwa wagîa na mathagu wa rîmwe ûkînagûrûka ta nderi.

Jeremia 9:23

Ngai-Mûnene arauga atîrî, “Mûndû mûûgî ndakegathe na ûûgî wake, na andû njamba matikegathe nîûndû wa vinya wao, na itonga itikegathe na ûtonga wacio.

Habakuku 2:9

We wîtongetie na indo irîa wocete na vinya, kaî wî na thîna-î, na nîûgeretie kwiga mûciî waku ûrî na thayû na ûtarî na thîna wanarî vanini.

Zefania 1:18

Mûthenya ûcio wa marakara ma Ngai-Mûnene sîlûva ciao kana thaavu ciao itikaavota kûmavonokia. Nîûndû wa mwaki wa wîru wake, nthî yonthe nîîkavîa. Nîakaathiria na îvenya arîa onthe matûûraga nthî.”

Mathaayo 19:25

Na rîrîa arutwa meeguire ûguo, nîmaamakire mûno na makîûria atîrî, “Nî ûrîkû vi ûngîvonoka?”

Maariko 1:27

Nao andû onthe nîmaamakire na makîambîrîria kûrania atîrî, “Ûguo naguo-î nî atîa? Gîkî nakîo nîkwa gî kîthomo kîgeni? Mûndû ûyû aratha ngoma nacio ikamwathîkîra!”

Maariko 10:23

Nake Jesû nîwaroririe arutwa ake na akîmeera atîrî, “Na kaî nî ûndû wî na vinya itonga gûtonya Ûthamakirî wa Ngai-î!”

Luka 16:14

Rîrîa Afarisai meegwire maûndû mama monthe, nîmaanyûrûririe Jesû nîûndû maarî akorokeru mbeca mûno.

Johana 13:33

Ciana ciakwa, nîmbîthîrwa nîrî namue îvinda rînini. Mue mûkaanjaria; nwatî nîramwîra wata ûrîa nerire Ayahudi atî, ‘Kûrîa ngûthiî tîmûvota gûka.’

Johana 21:5

Nake Jesû nîwacokire akîmaûria atîrî, “Anake aya, mûrîanyitu nthamaki wanarî îmwe?” Nao nîmaamûcokerie atîrî, “Naarî.”

Johana 6:60

Nao arûmîrîri eengî a Jesû nîmegwire maûndû mau na makiuga atîrî, “Kîthomo gîkî nî kîûmû mûno. Nû ûngîgîtîkîra?”

Agal 4:19

Ciana ciakwa mendete, wa rîngî nîregua nîrî na ûrûrû mwîngî mûno nîûndû wenyu wata ûrûrû ûrîa mûndûmûka egucaga akîgîa na mwana. Nîmbîgua ûrûrû ûcio nginya rîrîa mûgaatuîka arûmîrîri a ma a Kristû.

1Tim 6:17

Atha andû arîa marî na ûtonga wa nthî îno matigetîîe. Meere matikaige mwîvoko wao kûrî ûtonga wa gûkû nthî ûrîa ûthiraga narua, nwatî maige mwîvoko wao kûrî Ngai ûrîa ûtûvecaga indo cionthe nîguo tûtûûre na gîkeno.

1Joh 2:1

Ciana ciakwa nîramwandîkîra maûndû mama nîguo mûtikevie. Nwatî mûndû angîvia, tûrî na Jesû Kristû na nî mûthingu. Ke nîke ûtûciragîrîra arî mbere ya îthe.

1Joh 4:4

Nwatî mue ciana ciakwa mûrî a Ngai, na nîmûvootete arathi a maveeni. Nîûndû Roho ûrîa mûrî naguo ûrî na vinya gûkîra roho ûrîa wîthagîrwa ûrî gûkû nthî.

1Joh 5:21

Ciana ciakwa, reganani na ngai cia maveeni!

Kûguû 3:17

We uugaga atîrî, ‘Ûrî mûtongu na ûrî na indo nyîngî na gûtirî na kîndû ûvatarîte.’ Nwatî we ndûramenya ûrîa ûrî mûkîa na wagîrîrwe nî kwîguîrwa ntha! We ûrî mûthîni, ûrî njaga na ûrî mûtumumu.