Maariko 10:22 - ÎVUKU RÎA ÛVORO MWARO

²² Rîrîa mûndû ûcio eegwire ûguo, nîwairire kîthithi, na akîthiî aritûvîrîtwe mûno ngororî yake, nîûndû aarî mûtongu mûno.

Maariko 10:22 ပူးပေါင်းရင်းမြစ်များ

Ezek 33:31

Andû maûkaga kûrî we marî ikundi na magekara nthî mbere yaku ta andû akwa nîguo megue ûrîa ûkûmera, nwatî matiîkaga ûrîa wamera meke. Maugaga na tûnyua twao atî marî na wendani, nwatî kîrîa macaragia na ngoro ciao nî ûrîa makûgîa na indo.

Mathaayo 13:22

Nacio mbeû irîa ciagwîre mîguarî, ivananîtue na andû arîa megucaga ndûmîrîri îo, nwatî mîtangîko ya gûkû nthî, na kwenda ûtonga, nîîthararagia ndûmîrîri îo nginya magatura maciaro.

Mathaayo 19:22

Rîrîa mwanake ûcio eegwire ûguo, nîwathiîre arî na kîeva kîngî mûno nîûndû aarî mûndû mûtongu.

Mathaayo 27:3

Rîrîa Judasi ûrîa wacukanîrîre Jesû aamenyire atî Jesû nîwatuîrwa kûûragwa, nîweririre na agîcokia mbeca irîa mîrongo îthatû cia sîlûva kûrî anene a athînjîri-Ngai na athuuri, na akîmeera atîrî,

Maariko 10:21

Nake Jesû aroria mûndû ûcio nîwegwire amwenda na akîmwîra atîrî, “Kûrî na ûndû ûmwe ûtigarîtie gwîka. Thiî wendie indo ciaku cionthe, ûve athîni mbeca icio na ûcoke ûnûmîrîre, nawe nî ûkwîigîra ûtonga mwîngî îgûrû.”

Maariko 10:23

Nake Jesû nîwaroririe arutwa ake na akîmeera atîrî, “Na kaî nî ûndû wî na vinya itonga gûtonya Ûthamakirî wa Ngai-î!”

Maariko 6:20

nîûndû Herode arîkia kûmenya atî Johana aarî mûndû mûthingu na mûtheru, nîwamwîtigîre, na kwoguo akîmûgitîra. Nake Herode nîwendaga kûthikîrîria Johana wana ethîrwa nîwathînîkaga mûno ngororî yake amwîgua.

Maariko 6:26

Nake mûthamaki erwa ûguo nîwegwire kîeva kîîngî mûno, nwatî ndangîendire kwîricûkwa ciîranîro irîa eerîrîte mwîrîtu ûcio, mbere ya ageni ake.

Luka 12:15

Nake Jesû nîwacokire akîra andû onthe atîrî, “Îîmenyagîrîreni na mwîgitagîre kuumana na maûndû monthe ma ûkoroku, nîûndû mûtûûrîre wa ma wa mûndû ndwîthagîrwa ûthondeketwe nî ûtonga wana angîthîrwa mûndû ta ûcio atongete atîa.”

Luka 18:23

Nwatî rîrîa mûndû ûcio eegwire ûguo, nîwanyitirwe nî kîeva kîîngî mûno nîûndû ke aarî mûtongu mûno.

2Akor 7:10

Nîûndû kîeva kîrîa Ngai egwithanagia nîgîtûmaga andû magarûrûke na gîkamatongoria kûrî ûvonokio, na ûguo ndwagîrîrwe gûtûma mûndû akua ngoro. Nwatî kîeva kîrîa kiumanaga na ûmûndû nîkîretage gîkuû.

Aefeso 5:5

Menyani na ma atî mûndû ûrîa ûvûraga ûmaraa, ûrîa ûrî na ûûra nthoni kana ûkoroku (nîûndû gûkoroka nî gûtungatîra ngai cia mîvuanano) ndakaagîa na îgai ûthamakirî wa Kristû na wa Ngai.

2Tim 4:10

Nîûndû Dema nîmûndiganîriu na akathiî Thesalonike nîûndû wa kwenda maûndû ma gûkû nthî. Kiresike nîwathiîre Galatia, nake Tito akîthiî Dalamatia.