Maariko 1:39 - ÎVUKU RÎA ÛVORO MWARO

³⁹ Nake Jesû nîwathiîre Galili kuonthe akîvunjagîria andû mavoerorî na akîrutûrûraga ndaimono kuuma kûrî andû.

Maariko 1:39 ပူးပေါင်းရင်းမြစ်များ

Mathaayo 4:23

Nake Jesû nîwathiîre kûndû kuonthe vûrûrirî wa Galili, akîthomithanagîria mavoerorî, akîvunjagia Ûvoro Mwaro wîgiî Ûthamaki wa Ngai, na akîvonagia andû arîa maarwarîte mîrimû ya mîthemba yonthe, wana arîa maarî na wonje wa mîthemba yonthe.

Mathaayo 9:35

Nake Jesû nîwathiîre matûûrarî monthe na icagirî cionthe. Ke nîwathomithagia arî mavoerorî, akîvunjagia Ûvoro Mwaro wîgiî Ûthamaki wa Ngai, na akîvonia andû arîa maarî na mîrimû na wonje wa mîthemba yonthe.

Maariko 1:21

Jesû na arutwa ake nîmaathiîre îtûûrarî rîa Kaperinaumu. Na mûthenya wa thavatû wakinya nîwatonyire îvoerorî na akîambîrîria kûthomithia andû.

Maariko 1:23

Na vîndî wa îo, kûu îvoerorî nîgwatonyire mûndû wanyitîtwe nî ngoma, na akiugîrîria atîrî,

Maariko 1:38

Nake Jesû nîwamerire atîrî, “Tigani tuume gûkû tûthiî na kûu icagirî irîa irî vakuvî nîguo ngavunjie kuo, nîûndû kîu nîkîo gîtûmi kîrîa gîatûmire mbûke.”

Maariko 3:1

Wana rîngî Jesû nîwatonyire îvoerorî kûrîa kwarî na mûndû wonjete njara.

Maariko 6:6

Nake nîwamakire mûno nîûndû andû matiarî na wîtîkio. Nake nîwathiîre icagirî irîa ciarî vakuvî na Nazarethi akîthomithagia andû.

Maariko 7:30

Mûndûmûka enûka nîwethîrîrie kerîtu gake kamamîte ûrîrî na ngoma îrîkîtie gûgatiga.

Luka 4:41

Nacio ngoma nîciaumire kûrî andû eengî arîa maarî vo ikîanagîrîra atîrî, “We nîwe Mûriû wa Ngai!” Nake Jesû nîwakaanirie ngoma icio na ndaciîtîkîria imwanîrîre wana ethîrwa cio nî ciamwîcî atî ke nîke Mesaya.