Maariko 1:32 - ÎVUKU RÎA ÛVORO MWARO

³² Na kîvwaîrî kîu riûa rîathûa, andû nîmaavirîre Jesû andû onthe arîa maarwarîte wana arîa maarî na ngoma.

Maariko 1:32 ပူးပေါင်းရင်းမြစ်များ

Mathaayo 4:24

Nayo ngumo yake nîyatambire vûrûrirî wonthe wa Sîria. Kwoguo andû nîmaamûvirîre andû onthe arîa maarî arwaru na maarî na mîrimû ya mîthemba yonthe: ndaimono, kîvava na kwonja ciîga cia mwîrî. Jesû nîwamavonirie onthe.

Mathaayo 8:16

Na kîvwaî gîakinya, andû nîmaavirîre Jesû andû eengî arîa maarî na ndaimono. Nake Jesû nîwarutûrûrire ngoma na njîra ya kiugo gîake, na akîvonia andû onthe arîa maarî arwaru.

Mathaayo 8:17

Ke eekire ûguo nîguo maûndû mavingue marîa maarirue nî mûrathi Isaia rîrîa aaugire atîrî, “Ke nîwocire wonje wetû na agîkuua mîrimû yetû.”

Maariko 1:21

Jesû na arutwa ake nîmaathiîre îtûûrarî rîa Kaperinaumu. Na mûthenya wa thavatû wakinya nîwatonyire îvoerorî na akîambîrîria kûthomithia andû.

Maariko 1:31

Jesû amûkuvîvîria, nîwamûnyitire njara na akîmûrûngamia. Nake mûndû ûcio nîwegwire waro na akîambîrîria kûmatungatîra.

Maariko 3:2

Nao andû amwe arîa maarî kuo nîmaatuîragia ûndû ûrîa mangîmûthitanga naguo. Nao nîmekarire mamûroretie mûno nîguo moone kana nîakûvonia mûndû ûcio mûthenya wa thavatû.

Luka 4:40

Na rîrîa riûa rîathûaga, andû onthe arîa maarî na andû arwaru mîrimû mwanya mwanya, nîmaamavirire kûrî Jesû. Nake Jesû nîwaigîrîre andû acio onthe njara na akîmavonia.

Luka 4:41

Nacio ngoma nîciaumire kûrî andû eengî arîa maarî vo ikîanagîrîra atîrî, “We nîwe Mûriû wa Ngai!” Nake Jesû nîwakaanirie ngoma icio na ndaciîtîkîria imwanîrîre wana ethîrwa cio nî ciamwîcî atî ke nîke Mesaya.