Maariko 1:22 - ÎVUKU RÎA ÛVORO MWARO

²² Nao andû arîa maamûthikîrîrîtie nîmaamakire nîûndû athomithanagia ta mûndû warî na wathani, nwatî tî ta arimû a Watho.

Maariko 1:22 ပူးပေါင်းရင်းမြစ်များ

Jeremia 23:29

Ngai-Mûnene arauga atî, kiugo gîakwa nîta mwaki; nîta nyondo îrîa yatûranagia mathiga magatuîka icunjî.

Mathaayo 13:54

na agîcoka îtûûrarî rîa kwao. Nake nîwathomithanirie arî îvoerorî. Nao andû arîa maamwîgwire nîmaamakire mûno na makîûria atîrî, “Mûndû ûyû arutîte ûûgî ta ûyû kû, wana vinya wa kûringa ciama?

Maariko 1:23

Na vîndî wa îo, kûu îvoerorî nîgwatonyire mûndû wanyitîtwe nî ngoma, na akiugîrîria atîrî,

Luka 2:47

Nao andû onthe arîa meegwire ciugo ciake nîmaamakire mûno nîûndû wa ûrîa aacokagia ciûria arî na ûûgî mwîngî.

Luka 21:15

Nîûndû nie nîngaamûva mîario na ûûgî ûrîa gûtarî nthû yenyu wana îmwe îngîvota kûregana naguo kana gûûkararia.

Luka 4:32

Nao andû onthe nîmaamakirue nî ndûmîrîri yake, nîûndû aaragia arî na wathani.

Johana 7:46

Nao arangîri nîmaamacokirie atîrî, “Gûtirî mûndû wanaaria maûndû marîa mûndû ûyû araria!”

Ciîko 6:10

Nwatî Roho nîwavere Stefano ûûgî mwîngî wa kwaria ûndû matangîavotire kûmûkararia.

2Akor 4:2

Nîtûreganîte na maûndû ma nthoni marîa mekagîrwa nthithorî. Nîtûreganîte na maûndû ma wara, kana kûgarûrania ciugo cia Ngai ituîke cia maveeni. Nwatî twaragia ûvoro wa ma tûrî mbere ya Ngai tûkîîrîgagîrîra atî andû onthe arîa marî na thamiri mbaro nîmagûtwîtîkîra.