Luka 9:52 - ÎVUKU RÎA ÛVORO MWARO

⁵² Nake nîwatûmire anjaama amwe mathiî mbere yake. Na rîrîa andû acio maathiîre nîmaatonyire gîcagirî kîmwe Kîam Asamaria kûmûvarîria maûndû monthe.

Luka 9:52 ပူးပေါင်းရင်းမြစ်များ

Malaki 3:1

Ngai-Mûnene mwene vinya wonthe augîte atîrî, “Taroria! Nînîratûma mûnjaama nîguo athiî akavarîrîrie njîra yakwa. Mwathani ûrîa mûracaria nîagaaûka hekarûrî yake wa rîmwe. Mûnjaama ûrîa mûtûûrîte mwîrîgîrîrîte nîagaaûka na anîrîre kîrîkanîro gîakwa.”

Mathaayo 10:5

Andû aya îkûmi na aîrî nîmaatûmirwe nî Jesû, na akîmatha atîrî, “Mûtikathiî vûrûrirî wana ûmwe wa andû a ndûrîrî, kana mûthiî îtûûrarî wana rîmwe rîa Asamaria.

Luka 10:1

Vuva wa ûguo, Mwathani nîwathuurire andû engî mîrongo mûgwanja na aîrî, na akîmatûma aîrî aîrî mathiî mbere yake matûûrarî monthe na kûndû kuonthe kûrîa ke aageerie kûthiî.

Luka 10:33

Nwatî Mûsamaria ûmwe ûrîa warî rûgendorî nîwakinyire varîa mûndû ûcio aarî, na amwona akîringwa nî ntha.

Luka 17:11

Rîrîa Jesû aathiîte Jerusalemu, nîwavîtûkîrîre mûvakarî wa vûrûri wa Samaria na Galili.

Luka 17:16

Nake mûndû ûcio akinya varîa Jesû aarî, nîwegwîthirie nthî magûrûrî ma Jesû na akîmûcokeria ngatho. Mûndû ûcio aarî Mûsamaria.

Luka 7:27

Nîûndû Johana nîke mandîko maugaga ûvoro wake atî, ‘Nie nîngûtûma mûnjaama wakwa athiî mbere yaku, nîguo agakûthondekere njîra.’

Johana 4:4

Na arî rûgendorî rwa kûthiî Galili, nwa nginya angîavîtûkîrîre Samaria.

Johana 4:5

Kwoguo Jesû nîwakinyire îtûûrarî rîa Samaria rîrîa rîetagwa Sikaru, na rîarî vakuvî na mûgûnda ûrîa Jakovu aagaîrîte mûûriû wake Josefu.

Johana 4:9

Nake mûndûmûka ûcio nîwamûririe atîrî, “Ûngîvota atîa kûmvoya manjî ma kûnyua na we wî Mûyahudi nanie nîrî Mûsamaria?” (Ayahudi matingîarîîrîre thaanirî kana manyuîre ikomberî irîa cianyunyagîrwa nî Asamaria.)

Johana 8:48

Nao Ayahudi nîmaaûririe Jesû atîrî, “Na kinthî tue tûtiraria ûma tûkiuga atî we ûrî Mûsamaria na ûrî na ngoma?”