Luka 9:48 - ÎVUKU RÎA ÛVORO MWARO

⁴⁸ na akîmeera atîrî, “Mûndû wa wonthe ûgwataga mwana ûyû ûgeni nîûndû wa rîîtwa rîakwa, nînie ethagîrwa akîgwata ûgeni. Nake mûndû wa wonthe ûngwataga ûgeni, nî ûrîa wandûmire ethagîrwa akîgwata ûgeni. Mûndû ûrîa mûnini viû gatagatîrî kenyu muonthe, nîke mûnene gûkîra arîa engî onthe.”

Luka 9:48 ပူးပေါင်းရင်းမြစ်များ

Nthi 18:12

Mwîtîîo wa ngoro nîûcûkangagia mûndû, nwatî wînyivia nîûtûmaga mûndû avewe gîtîîo.

Mathaayo 18:10

“Menyererani atî mûtikae kûnyarara kaana wana kamwe ga tûtû tûnini. Nîramwîra na ma atî araika a tuo arîa marî îgûrû methagîrwa marî varî Ngai Vava ûrîa ûrî îgûrû. [

Mathaayo 18:14

Na njîra wata îo, îthe wenyu ûrîa wî îgûrû ndendaga kamwe ga twana tûtû tûnini tûûra.

Mathaayo 19:28

Nake Jesû nîwamerire atîrî, “Nîramwîra nama atî vîndî îrîa Mûrû wa Mûndû ageekarîra gîtî gîake Kîam ûnene kîrîa kîrî riiri kûu nthî îo njerû, mue arîa mûnûmagîrîra nîmûgeekarîra itî cia ûnene na nîmûkaatha mîvîrîga îrîa îkûmi na îîrî ya Isiraeli.

Mathaayo 25:40

Nake Mûthamaki ûcio nîakaamacokeria atîrî, ‘Nie nîramwîra nama atî, ûndû ûrîa wonthe mwekire mûndû ûrîa mûnini mûno wa ariû a îthe wetû, nî nie mwekire!’

Mathaayo 25:45

Nake Mûthamaki nîakaamacokeria atîrî, ‘Nîramwîra nama atî vîndî îrîa mwaregire gûtethia mûndû ûrîa mûnini mûno, nînie mwaregire gûtethia.’

Maariko 9:37

“Mûndû wa wonthe ûgwataga kaana ta gaka ûgeni nîûndû wakwa, nî nie agwataga ûgeni. Na mûndû wa wonthe ûngwataga ûgeni, tî nie tu agwataga ûgeni, nwatî agwataga wana ûrîa wandûmire.”

Luka 10:16

Jesû nîwacokire akîîra arutwa ake atîrî, “Mûndû wa wonthe ûrîa ûmûthikagîrîria, nînie athikagîrîria; na mûndû wa wonthe ûrîa ûmûregaga, nînie aregaga, na mûndû wa wonthe ûrîa ûndegaga, aregaga ûrîa wandûmire.”

Luka 14:11

Nîûndû mûndû wa wonthe wînenevagia nîakaanyivua, na ûrîa wînyivagia nîakaanenevua.”

Luka 22:26

Nwatî ûguo tîguo mwîkariî. Tigani ûrîa mûnene viû gatagatîrî kenyu atuîke mûnini viû, na mûtongoria atuîke ta ndungata.

Luka 22:30

Nîmûkaarîra na mûnyuîre metharî yakwa Ûthamakirî wakwa, na mûcoke mwîkarîre itî cia Ûthamaki na mwathe mîvîrîga îrîa îkûmi na îrî ya Isiraeli.”

Luka 7:28

Nie nîramwîra atîrî, ‘Gatagatîrî ka andû arîa onthe maanaciarwa nî aka, gûtirî wa na ûmwe wao mûnene gûkîra Johana. Nwatî mûndû ûrîa mûnini viû ûthamakirî wa Ngai, nî mûnene gûkîra Johana.’ ”

Johana 13:20

Nie nîramwîra ûvoro wa ma atî, mûndû wa wonthe wamûkagîra mûndû ûrîa ndûmîte wa nanie nîanyamûkagîra. Nake mûndû wa wonthe ûnyamûkagîra nîwamûkagîra ûrîa wandûmire.”

Johana 14:21

“Mûndû wa wonthe wamûkagîra maathani makwa na akamathîkîra nîke ûmendete. Vava akendaga mûndû ûrîa ûmendete, wa nanie ngaamwendaga na ngeyonithanagia kûrî ke.”

1Ath 4:8

Kwoguo mûndû ûrîa ûregaga kwathîkîra kîrîra gîkî tî mûndû aregaga kwathîkîra, nwatî aregaga kwathîkîra Ngai ûrîa ûmûvecaga Roho wake Mûtheru.

1Pet 5:6

Îînyivagieni mûrî rungu rwa Ngai ûrîa ûmûgitagîra, nîguo akaamûnenevia rîrîa kavinda karîa kagîrîru gagaakinya.

Kûguû 21:14

Rûthingo rwa îtûûra rîu înene rîa Jerusalemu rwatumîtwe îgûrû rîa mathiga îkûmi na maîrî ma mûcingi. Namo marîîtwa ma atûmwa îkûmi na aîrî a Gatûrûme nîmandîkîtwe mathigarî mau, wa rîîtwa îthigarî rîarîo.

Kûguû 3:21

Arîa makaavootana, nîngaamava rûtha rwa gwîkara mwenarî wakwa gîtîrî gîakwa Kîam ûthamaki wata ûrîa wananie naavootanire na rîu mbîkarîte mwenarî wa Vava gîtîrî gîake Kîam ûthamaki.