Luka 9:33 - ÎVUKU RÎA ÛVORO MWARO

³³ Na vîndî îrîa andû acio maatigaga Jesû, Petero nîwerire Jesû atîrî, “Mwarimû, na kaî nî ûndû mwaro tûrî ava-î! Twîtîkîrie tûtume tûnyomba tûthatû: kamwe gaku, kamwe ka Musa na kamwe ka Elija.” (Nwatî ke aaririe ûguo atakûmenya ûrîa aaugaga.)

Luka 9:33 ပူးပေါင်းရင်းမြစ်များ

Thaburi 27:4

Mvoete Ngai-Mûnene ûndû ûmwe, na nîguo nîracaria: gûtûûra nyombarî yake ûtûûro wakwa wonthe, ngîonaga wega wa Ngai-Mûnene, na ngîcaragia wendi wake hekarûrî yake.

Thaburi 73:28

Nwatî vakwa nie, nîwaro gwîkara vakuvî na Ngai, nînduîte Mwathani Ngai-Mûnene vandû vakwa va kwîthitha, nîguo managîrîre maûndû monthe marîa ekîte!

Mathaayo 17:14

Rîrîa maacokire kûrî kîrîndî, mûndûmûrûme ûmwe nîwathiîre kûrî Jesû agîturia maru mbere yake,

Mathaayo 17:4

Nake Petero nîwerire Jesû atîrî, “Mwathani, na kaî nîûndû mwaro tûrî ava-î! Ethîrwa we nîûkwenda, nie nîngûtuma tûnyomba tûthatû ava; kamwe gaku, kamwe ka Musa na kamwe ka Elija.”

Maariko 10:38

Nwatî Jesû nîwameerire atîrî, “Mue mûtiramenya kîrîa mûravoya. Nîmûkûvota kûnyuîra gîkombe Kîam mînyamaaro kîrîa ngeerie kûnyuîra; kana mûvatithue na njîra îrîa ngeerie kûvatithua nayo?”

Luka 5:5

Nake Simoni nîwerire Jesû atîrî, “Mwathani! Tue tûrarutire wîra mûmû ûtukû mûgima na gûtirî kîndû tûragwatirie. Nwatî nîûndû we nîwambîra mbikie neti manjîrî, nie nîngwîka guo.”

Luka 9:34

Vîndî wa îo Petero wa aaragia, îtu nîrîaumîrire na rîkîmakunîkîra na kîruru Kîam rîo, na nî ûndû wa ûguo, arutwa nîmaagîre na guoya nyîngî.

Luka 9:49

Johana nîwerire Jesû atîrî, “Mwarimû, nîtûronire mûndû akîrutûrûra ngoma na rîîtwa rîaku, na twamûkaania nîûndû ke tî wa thiritû yetû.”

Johana 14:8

Nake Filipu nîwerire Jesû atîrî, “Mwathani, twonie Vava, na nîtûkwîgua tweganîra.”

2Akor 4:6

Nîûndû Ngai nîke waugire atîrî, “Tiga ûtheri ware ndumarî.” Ngai ûcio nwake watûmire ûtheri wake ware ngororî cietû nîguo tûmenye riiri wa Ngai ûrîa ûrî ûthiûrî wa Kristû.