Luka 9:31 - ÎVUKU RÎA ÛVORO MWARO

³¹ Andû acio aîrî maarî na riiri na nîmaambîrîrie kwaria na Jesû ûvoro wîgiî gîkuû gîake, kîrîa aarî akue arî îtûûrarî rîa Jerusalemu.

Luka 9:31 ပူးပေါင်းရင်းမြစ်များ

Luka 9:22

na akîmeera atîrî, “Nwa nginya Mûrû wa Mûndû athînue mûno na aregwe nî athuuri, anene a athînjîri-Ngai, na arimû a Watho. Nake nîakaaûragwa na mûthenya wa kathatû acoke ariûke.”

Luka 9:30

Wa rîmwe andû aîrî maarî vau makîaria nake. Andû acio maarî Musa na Elija.

Johana 1:29

Naguo mûthenya ûcio wîngî Johana nîwonire Jesû athiîte kûrî ke na akiuga atîrî, “Taroriani Gatûrûme ka Ngai karîa kathengutagia wîvia wa andû a nthî!

2Akor 3:18

Tue tuonthe twîthagîrwa tûrî akunûre mothiû nîguo twonanagie riiri wa Mwathani. Naguo riiri ûrîa uumaga kûrî Mwathani, ûrîa arî ke Roho, nîatûgarûraga tûkavanana nake na tûrî na riiri makîria.

Afil 3:21

Ke nîakaagarûra mîîrî îno yetû îkuucaga na îtarî vinya îtuîke ta mwîrî wake ûrîa ûrî na riiri. Ageeka ûguo na vinya wake ûrîa ûtûmaga athe indo cionthe.

Akol 3:4

Ûtûûro wetû wa ma nî Kristû na rîrîa ke agaaûka rîngî gûkû nthî, wa namue nîmûkoonekana mûrî vamwe nake na mûrî na riiri ta wake.

Ahib 11:22

Nîûndû wa wîtîkio Josefu ageerie gûkua, nîwaririe ûvoro wîgiî ûrîa andû a Isiraeli makaauma Misiri na akîra andû ûrîa mwîrî wake ûgeekwa akua.

1Pet 5:10

Nwatî mwona mwarîkia kûthînua kwa îvinda rînini, Ngai mûvecani wa mawega monthe ûrîa ûmwîtaga nîguo mûtuîke agai a riiri wa tene na tene mûrî rûmwe na Kristû nîakaamûtua akinyanîru. Ke nîagaatûma mwîkare mûrî ekindîriu, mûrî na vinya na mûrî na mûcingi ûrîa wa ma.

2Pet 1:15

Kwoguo nîngûgeria wa ûrîa nîngîvota nîguo wana narîkia gûkua mûkaavotaga kûririkana maûndû mama vîndî cionthe.

Kûguû 7:14

Nanie nînamûcokerie atîrî, “Mwathani, nie ndiîcî, we nîwe wîcî.” Nake nîwambîrire atîrî, “Andû aya nîo marîkîtie kûvîtûkîra mathînarî meengî. Nao nîmathambîtie nguo ciao na nthakame ya Gatûrûme igatuîka cia rangi njerû.