Luka 9:22 - ÎVUKU RÎA ÛVORO MWARO

²² na akîmeera atîrî, “Nwa nginya Mûrû wa Mûndû athînue mûno na aregwe nî athuuri, anene a athînjîri-Ngai, na arimû a Watho. Nake nîakaaûragwa na mûthenya wa kathatû acoke ariûke.”

Luka 9:22 ပူးပေါင်းရင်းမြစ်များ

Kîam 3:15

Nîngûtûma we na mûndûmûka mûmenane, na mbîkîre ûthû gatagatî ka mbeû yaku na ya mûndûmûka. Mbeû ya mûndûmûka îgaakûringaga kîongo nawe ûkamîrûmaga ndiira ya kûgûrû.”

Danieli 9:26

Îvinda rîu rîathira mûtongoria ûrîa mwamûre nî Ngai nîakaaûragwa na njîra îtarî ya kîvooto. Îtûûra rîu na hekarû nîigaacûkangua nî athigari a mbaara a mûtongoria ûrî vinya mûno. Mûthiia wa îtûûra rîu ûgaakinya ta mwîcûro wa manjî. Ngai nîarutîte watho akauga, îtûûra rîu rîthirue viû.

Zakaria 13:7

Ngai-Mûnene mwene vinya wonthe augîte atîrî, “We rûviû rwa njûra, ûkîra ûtharîkîre mûrîthi wakwa, ûtharîkîre mûndû ûrîa ûndungatagîra. Ûraga mûrîthi nacio ng'ondu nîikûnyagania; na nîngûtharîkîra irîa nini.

Mathaayo 17:12

Nwatî nîramwîra nama atî Elija nîarîkîtie gûka, nao andû matiamûmenya. Nîmaamwîkire maûndû monthe marîa meendaga kûmwîka. Na njîra wata îo, nwaguo makaathînia Mûrû wa Mûndû.”

Mathaayo 17:22

Rîrîa arutwa onthe maagomanire vamwe kûu Galili, Jesû nîwamerire atîrî, “Mûrû wa Mûndû nîakaanenganîrwa kûrî andû,

Mathaayo 27:63

“Mûnene, tue nîtûraririkana atî vîndî îrîa mûndû ûcio mûthani aatûûraga mwoyo nîwaugire atîrî, ‘Nîngaariûkua mûthenya wa kathatû.’

Maariko 8:31

Jesû nîwacokire akîambîrîria kûthomithia arutwa ake atî, “Nwa nginya Mûrû wa Mûndû one mathîna meengî, aregwe nî athuuri, anene a athînjîri-Ngai, na arimû a Watho, na acoke aûragwe, na vuva wa mîthenya îthatû ariûke.”

Maariko 9:31

nîûndû nîwathomithagia arutwa ake akîmeeraga atîrî, “Mûrû wa Mûndû nîakaanenganîrwa kûrî andû, nao mamûûrage, na vuva wa mîthenya îthatû, ariûke.”

Luka 17:25

Nwatî nwa nginya ambe athînîke mûno na aregwe nî andû a rûciaro rûrû.

Luka 24:26

Na kinthî gûtiagîrîrîte Mesaya athînue nîguo acoke kwoneka arî na riiri wake?”

Luka 24:44

Jesû nîwacokire akîmeera atîrî, “Maûndû mama nwamo nîramwîraga vîndî îrîa nîrethagîrwa nîrî vamwe namue. Maûndû marîa mambîgiî na mandîkîtwe Wathorî wa Musa, mandîkorî ma arathi, wana nginya Thaburirî nwa nginya mavingue.”

Luka 24:7

‘Nwa nginya Mûrû wa Mûndû anenganîrwe kûrî evia, ambwe na mûthenya wa kathatû ariûkue.’ ”

Luka 9:44

“Mûtikariganîrwe nî ûvoro ûyû ngeerie kûmwîra! Mûrû wa Mûndû nîakûnenganîrwa nîguo anyitwe nî andû.”

1Akor 15:4

Nake nîwathikirwe na mûthenya wa kathatû akîriûka, wata ûrîa kwandîkîtwe Mandîkorî Matheru.

1Pet 1:11

Roho wa Kristû aarî ndaarî ya Arathi rîrîa maarathaga ûvoro wîgiî kûthînua gwa Kristû, na riiri ûrîa ûgaacoka kûrûmîrîra mathîna mau. Arathi nîmaageragia kûmenya ûvoro wîgiî maûndû marîa Roho aamoonagia rîrîa magaatuîkîka na ûrîa gûkeethîrwa gwîkariî maûndû mau magîtuîkîka.