Luka 9:12 - ÎVUKU RÎA ÛVORO MWARO

¹² Rîrîa riûa rîambîrîrie kûthûa, arutwa nî maakuvîvîrie Jesû na makîmwîra atîrî, “Îra andû aya mathiî icagirî na mîgûndarî îrîa îrî vakuvî, nîguo magacarie kîndû mangîrîa na kûndû mangîmama nîûndû gûkû tûrî gûtirî na mîciî.”

Luka 9:12 ပူးပေါင်းရင်းမြစ်များ

Ezek 34:25

Nîngaarûtha kîrîkanîro Kîam thayû nacio. Nîngaaruta nyamû cia kîthaka kuuma vûrûrirî nîguo ng'ondu ciakwa itûûre irî ngitîre kûu werûrî na imamage mûtitûrî.

Hosea 13:5

Nînie namûmenyerere rîrîa mwarî werûrî; vûrûri ûrîa warî mûmagaru na ûtarî na manjî.

Mathaayo 14:13

Rîrîa Jesû eegwire ûvoro wîgiî Johana, nîwatwîre gatarûrî akiuma kûu na akîthiî vandû vataarî na andû arî wenga. Nwatî rîrîa andû meegwire ûguo, nîmaaumire matûûrarî mao na makîmûrûmîrîra mathiîte na magûrû.

Mathaayo 15:23

Nwatî gûtirî ûndû Jesû aamûcokerie. Nao arutwa ake nîmaathiîre kûrî ke na makîmûthaitha makîmwîra atîrî, “Îra mûndûmûka ûyû athiî! Ke nîaranegena mûno atuumîte vuva.”

Mathaayo 15:32

Jesû nîwetire arutwa ake na akîmeera atîrî, “Nie nîreguîra andû aya ntha nîûndû mbîthîrîtwe nao mîthenya îthatû na rîu matirî na kîndû gîa kûrîa. Ndirenda kûmera menûke mavûtiî nîûndû mavota kûgirîkîra njîrarî.”

Luka 9:11

Rîrîa andû maamenyire kûrîa Jesû aarî, nîmaamûrûmîrîrie. Nao andû acio makinya varîa Jesû aarî nîwamagwatire ûgeni na akîambîrîria kûmathomithia ûvoro wîgiî ûthamaki wa Ngai na agîcoka akîvonia arwaru eengî.

Luka 9:13

Nwatî Jesû nîwerire arutwa ake atîrî, “Mue manengereni kîndû mangîrîa.” Nao arutwa nîmaamûcokerie atîrî, “Tue tûtirî na irio ciîngî tiga mîgate îtano na nthamaki igîrî, tiga nwanga tûthiîre kûgûra irio cia kûrîwa nî andû aya onthe.”

Johana 6:1

Vuva wa ûguo, Jesû nîwaringire îria rîa Galili (rîrîa rîcîkene na rîîtwa rîngî îria rîa Tiberia)

Afil 1:19

Nîûndû nîmbîcî atî nie nîndekererua nîûndû wa mavoya menyu wa vamwe na ûtethio ûrîa uumaga kûrî Roho wa Jesû Kristû.