Luka 9:11 - ÎVUKU RÎA ÛVORO MWARO

¹¹ Rîrîa andû maamenyire kûrîa Jesû aarî, nîmaamûrûmîrîrie. Nao andû acio makinya varîa Jesû aarî nîwamagwatire ûgeni na akîambîrîria kûmathomithia ûvoro wîgiî ûthamaki wa Ngai na agîcoka akîvonia arwaru eengî.

Luka 9:11 ပူးပေါင်းရင်းမြစ်များ

Isaia 61:1

Roho wa Mwathani Ngai-Mûnene ûrî nanie, nîûndû ke nîanthuurîte na akambîtîrîria maguta, nîguo mvirîre arîa akinyîrîrie Ûvoro Mwaro, ngaûmîrîrie arîa makuîte ngoro, nganîrîre kûrî arîa anyite atî nîmarekererua, nao arîa movetwe njeera nîmamenyithie atî nîmovorwa.

Mathaayo 12:15

Rîrîa Jesû aamenyire mîvango îrîa Afarisai maarî nayo, nîwaumire kûu na akîthiî. Andû eengî nîmaamûrûmîrîre, na akîvonia arîa maarî arûaru onthe.

Mathaayo 14:14

Rîrîa Jesû aakinyire rûtererî rwa îria, nîwonire kîrîndî kînene na akîringwa nî ntha nîûndû wakîo na akîvonia arîa maarî arwaru.

Mathaayo 21:31

Nî ûrîkû gatagatîrî ka acio aîrî wekire ûrîa îthe eendaga?” Nao nîmaacokirie atîrî, “Nî ûcio wa mbere.” Kwoguo Jesû nîwamerire atîrî, “Nîramwîra nama atî etia a mbeca cia gooti na maraa nîmagaatonya Ûthamakirî wa Ngai mbere yenyu.

Mathaayo 21:43

Kwoguo nîramwîra atî Ûthamaki wa Ngai nîûkaarutwa kûrî mue na ûvewe andû engî arîa mekaga maûndû marîa Ngai endaga ûthamakirî wake. [

Luka 1:53

Arîa avûtu nî amavaithîtie na indo mbaro, na akengata itonga ithiî njara ntheri.

Luka 5:31

Nake Jesû nîwamacokerie atîrî, “Andû arîa methagîrwa marî na vata wa ndagîtarî nî arîa arwaru, nwatî tî arîa matarî arwaru.

Luka 8:1

Vuva wa ûguo, Jesû nîwavîtûkîrîre matûûrarî na icagirî, akîvunjagia Ûvoro Mwaro wîgiî Ûthamaki wa Ngai. Nao arutwa ake îkûmi na aîrî

Luka 8:10

Nake nîwamacokerie atîrî, “Mue mûrî ave ûûgî wa kûmenya nthitho cia Ûthamaki wa Ngai, nwatî andû arîa engî mamenyithagua ûvoro na ngerekano, nîguo maroragie na matione wanarî kîndû, na megucage na matitaûkîrwe.”

Luka 9:10

Vîndî îrîa atûmwa maacokire nîmeerire Jesû maûndû monthe marîa meekîte. Nake Jesû nîwocire arutwa ake na akîmavira îtûûrarî rîa Bethisaida marî onga.

Luka 9:12

Rîrîa riûa rîambîrîrie kûthûa, arutwa nî maakuvîvîrie Jesû na makîmwîra atîrî, “Îra andû aya mathiî icagirî na mîgûndarî îrîa îrî vakuvî, nîguo magacarie kîndû mangîrîa na kûndû mangîmama nîûndû gûkû tûrî gûtirî na mîciî.”

Luka 9:2

Nîwacokire akîmatûma mathiî makavunjie Ûvoro wa Ûthamaki wa Ngai na makavonie arwaru.

Johana 4:34

Jesû nîwamerire atîrî, “Irio ciakwa nî kûvingia wendi wa ûrîa wandûmire na kûrîkia wîra ûrî aamveere ndute.

Johana 6:37

Andû onthe arîa Vava amvete nîmagûka kûrî nie. Na nie ndirî vingo ngeengata mûndû wa wonthe ûrîa ûûkaga kûrî nie.

Ciîko 28:31

Nîwavunjirie ûvoro wîgiî Ûthamaki wa Ngai na akîthomithania ûvoro wîgiî Mwathani Jesû Kristû. Eekire ûguo arî na ûmîrîru mwîngî mûno na gûtarî na mûndû ûkûmûgiria.

Aroma 10:14

Nwatî andû mangîkaîra Mwathani atîa ethîrwa matîmwîtîkîtie? Na mangîtîkia atîa mateguîte ndûmîrîri ya Mwathani? Andû mangîgua ndûmîrîri atîa gûtarî na mûvunjia.

Aroma 10:17

Kwoguo wîtîkio umanaga na kwîgua ûvoro mwaro, naguo Ûvoro Mwaro umanaga na kûvunjia ûvoro wîgiî Kristû.

Aroma 15:3

Nîûndû Kristû ndeekenia ke mwene. Wata ûrîa mandîko matheru maugîte atî, “Irumi irîa warumirwe nî nie naarumirwe.”

2Tim 4:2

ûvunjagie ûvoro wa Ngai vingo cionthe vîndî îrîa mbagîrîru na îrîa îtarî mbagîrîru. Îguithagia andû, makanagie, maûmagîrîrie na ûmathomithagie vîndî cionthe ûkirîrîrîtie.

Ahib 4:16

Kwoguo nîtûthiîni tûmîrîrîtie tûkinye vakuvî na gîtî Kîam Ngai Kîam ûthamaki, na nîvo varî na wega wake. Vau nîvo tûkeeguîrûa ntha na tûnyite wega wa Ngai wa gûtûtethagia rîrîa rîonthe tûvatarîte.