Luka 8:8 - ÎVUKU RÎA ÛVORO MWARO

⁸ Nacio mbeû ciîngî nîciagwîre mûtheturî ûrîa warî mûnoru; na mîmera yakûra nîyaciarire, wa mûmera ûgîciara maita îgana.” Nake Jesû akîrîkîrîria nîwaugire na mûgambo mûnene atîrî, “Mûndû ûrîa wîna matû ma kwîgua, nîegue!”

Luka 8:8 ပူးပေါင်းရင်းမြစ်များ

Kîam 26:12

Mwaka ûcio Isaka nîwavandire mbeû mûgûndarî ûcio, na nîwakethire maita îgana rîa mbeû îrîa aavandîte, nîûndû Ngai-Mûnene nîwamûrathimîte.

Nthi 20:12

Ngai-Mûnene aaûmbire metho nîguo twonage namo, na matû nîguo twîgucage namo.

Nthi 8:1

Tathikîrîriani! Ûûgî nîaretana, ûmenyo nîaraugîrîria.

Jeremia 13:15

Mue andû a Isiraeli tegani matû mwîgue, mûtigetîîe ûguo nîguo Ngai-Mûnene augîte.

Jeremia 25:4

Mue mûtienda kûmîgua kana kûmîthikîrîria wana ethîrwa Ngai-Mûnene atûûraga amûtûmagîra arathi ndungata ciake atagûtigithîrîria.”

Mathaayo 11:15

Mûndû wa wonthe wîna matû ma kwîgua nîegue!

Mathaayo 13:23

Nacio mbeû irîa ciagwîre mûtheturî ûrîa warî mûnoru, ivananîtue na andû arîa megucaga ndûmîrîri îo na magataûkîrwa nîyo. Kûrî andû amwe nîiciaraga maita îgana rîmwe, kûrî engî maita mîrongo îtandatû na kûrî engî maita mîrongo îthatû.”

Maariko 4:20

Andû engî nao mekariî ta mbeû irîa ciagwîre mûtheturî ûrîa warî mûnoru. Aya nao nî arîa megucaga ndûmîrîri ya Ngai, makamîtîkîra na îkagîa na maciaro. Kûrî andû amwe ndûmîrîri îo nîîciaraga maita mîrongo îthatû, kûrî engî maita mîrongo îtandatû, na kûrî engî maita îgana.”

Maariko 4:23

Ûrîa wîna matû ma kwîgua, nîegue!”

Maariko 4:8

Mbeû ciîngî nacio nîciagwîre mûtheturî ûrîa warî mûnoru, ikîmera ikîneneva na igîciara mûno; imwe nîciaciarire maita mîrongo îthatû, ciîngî maita mîrongo îtandatû na ciîngî maita îgana.”

Maariko 7:16

Ûrîa wî na matû ma kwîgua, nî egue].”

Luka 14:35

Cumbî ta îo ndîrî vata mûtheturî wana kana thumurî; nîkwa îtecagwa. Mûndû ûrîa ûrî na matû ma kwîgua, nîegue!”

Luka 8:15

Nacio mbeû irîa ciagwîre mûtheturî ûrîa warî mûnoru, nî andû arîa megucaga ndûmîrîri ya Ngai na makamiga marî na ngoro mbaro na mbathîki, na magakirîrîria nginyagia rîrîa makaagîa maciaro.”

Luka 8:7

Nacio ciîngî nîciagwîre mûtheturî ûrîa warî na mbîtîkîra ya mvîndî cia mîgua. Nayo mîgua îo nîyameranîrie na mbeû icio na îkîithararia.

Aefeso 2:10

Ngai aatûmbire ûguo twîkariî na njîra ya Kristû nîguo twîkage ciîko mbaro irîa aavangîte twîkage.

Akol 1:10

Namue mûkaavotaga gûtûûra ta ûrîa Mwathani endaga na mûgeekaga maûndû marîa makenagia Mwathani vîndî cionthe. Namue mûkaagîcaga na maciaro maro maûndûrî monthe marîa mûgekaga na mûgakîragîrîria kûmenya Ngai.

Kûguû 13:9

“Mûndû wa wonthe ûrî na matû ma kwîgua, nîathikîrîrie!

Kûguû 2:11

Mûndû wa wonthe ûrî na matû ma kwîgua, nîathikîrîrie ûrîa Roho arera makanitha! “Arîa makaavootana matigekwa ûndû mûcûku nî gîkuû gîa kaîrî.

Kûguû 2:7

“Mûndû wa wonthe ûrî na matû ma kwîgua, nîathikîrîrie ûrîa Roho arera makanitha! “Arîa makaavootana nîngaametîkîria marîe matunda ma mûtî wa mwoyo ûrîa ûrî mûgûndarî wa Ngai.

Kûguû 3:13

“Mûndû wa wonthe ûrî na matû ma kwîgua nîathikîrîrie ûrîa Roho areera makanitha!

Kûguû 3:6

“Mûndû wa wonthe ûrî na matû ma kwîgua nîathikîrîrie ûrîa Roho areera makanitha!