Luka 8:50 - ÎVUKU RÎA ÛVORO MWARO

⁵⁰ Nwatî rîrîa Jesû eegwire ûguo nîwerire Jairû atîrî, “Tiga kwîgua guoya, îtîkia tu, na mwarîguo nîakûvona.”

Luka 8:50 ပူးပေါင်းရင်းမြစ်များ

Isaia 50:10

Nû gatagatîrî kenyu wîtigîrîte Ngai-Mûnene na wathîkagîra mûgambo wa ndungata yake, wana ethîrwa athiîcagîrîra ndumarî atarî na ûtheri, nîevokete Ngai-Mûnene na nîevokaga Ngai wake.

Maariko 5:36

Nake Jesû ndaatinda akîthikîrîria ûrîa maaugaga na kwoguo nîwerire Jairi atîrî, “Ndûkagîe na guoya, gîa na wîtîkio tu.”

Maariko 9:23

Nake Jesû nîwerire îthe wa kamwana kau atîrî, “Atî angîthîrwa nwa mvote! Mûndû ûrîa wîtîkîtie nwa avote gwîka ûndû wa wonthe.”

Luka 8:48

Nake Jesû nîwamwîrire atîrî, “Mwarîwa, gwîtîkia gwaku nîkuo gwatûma ûvone. Thiî na thayû.”

Luka 8:51

Vîndî îrîa Jesû aakinyire kwa Jairû mûciî, ndeetîkîria mûndû wîngî atonyanie nake nyomba tiga Petero, Johana, Jakuvu, îthe wa mwîrîtu ûcio na ng'ina.

Johana 11:25

Jesû nîwamwîrire atîrî, “Nie nînie kûriûka na nînie mwoyo. Mûndû wa wonthe ûmbîtîkîtie wana akua nîagaatûûra mwoyo;

Johana 11:40

Jesû nîwamwîrire atîrî, “Na kinthî ndikwîrire wetîkia nîûkwona riiri wa Ngai?”

Aroma 4:17

Mandîkorî matheru kwandîkîtwe atîrî, “Nie nîngûtuîte îthe wa ndûrîrî nyîngî.” Kwoguo kîîranîro kîu nî Kîamro methorî ma Ngai ûrîa wetîkîtue nî Iburahimu. Ke nî Ngai ûrîa ûriûkagia akuû na ûrîa ûtûmaga kûgîe na indo irîa itatûûraga kuo.

Aroma 4:20

Nake nîwekarire etîkîtie na atarî na nganja îgûrû rîa kîîranîro Kîam Ngai. Nîûndû wa gwîtîkia nîwagîre na vinya na agîkumia Ngai.