Luka 8:44 - ÎVUKU RÎA ÛVORO MWARO

⁴⁴ Nake mûndûmûka ûcio nîwaumire Jesû vuva. Na vîndî îrîa aavutirie mûthiia wa kanjû ya Jesû, nthakame îrîa aauraga nîyatigire kuura wa rîmwe.

Luka 8:44 ပူးပေါင်းရင်းမြစ်များ

Ntha 15:26

Nîwacokire akîmeera atîrî, “Nie nînie Ngai-Mûnene, Ngai wenyu na nînie nîmûvonagia. Ethîrwa mue mûkambathîkagîra na kinyi na mwîkage ûrîa kwagîrîrîte methorî makwa, nie ndikaamûtûmîra mîrimû ta îrîa naatûmîre andû a Misiri.”

Malaki 4:2

Nwatî nîûndû wenyu mue arîa mûngoocaga, ûvoti wakwa wa kûmûvonia nîûkaamwarîra ta riûa rîrî na vinya wa kûvonia mîrûri yarîo. Mûkauma mûkîrûgarûgaga ta njaû ciauma rwagarî rwa cio.

Mathaayo 20:34

Nake Jesû nîwamegwîrîre ntha na akîvutia metho mao, na wa rîmwe atumumu acio nîmaavotire kwona na makîmûrûmîrîra.

Mathaayo 8:3

Nake Jesû nîwatambûrûkirie njara yake akîmûvutia, na akîmûcokeria atîrî, “Nie nîngwenda, ûrothera!” Na wa rîmwe mûndû ûcio nîwavonirue mûrimû ûcio aarî naguo.

Mathaayo 9:20

Na mûndûmûka warwarîte mûrimû wa kuura nthakame mîaka îkûmi na îîrî, nîwathiîre vuva ya Jesû na akîvutia mîthiia ya nguo yake.

Maariko 6:56

Na wa kûndû kuonthe kûrîa Jesû aathiîcaga; icagirî, matûûrarî, wana kana mîgûndarî, andû nîmaaviraga arwaru thokorî, na makamûthaithaga etîkîrie arwaru mavûrûrie wana angîthîrwa nî mîthiia ya nguo yake. Nao arwaru onthe arîa maamîvûrûririe nîmaavonirue.

Luka 13:13

Nake Jesû nîwamwigîrîre njara na wa rîmwe mûndûmûka ûcio akînamûka na agîkumia Ngai.

Luka 7:38

Nake mûndûmûka ûcio nîwaturirie maru vakuvî na magûrû ma Jesû akîambîrîria kûrîra, na methori marîa maaumaga akîrîra nîmeetîkîre na magîconja magûrû ma Jesû. Nake mûndûmûka ûcio nîwagiririe methori mau na njuîrî ciake, agîcoka akîmumunya magûrû na akîmavaka maguta.

Luka 8:43

Na gatagatîrî ka andû acio, vaarî na mûndûmûka watûûrîte mîaka îkûmi na îrî auraga nthakame. Mûndûmûka ûcio nîwavûthîrîte indo cionthe ciake kûrîva ndagîtarî arîa maamûthondekaga, nwatî gûtiarî wana ûmwe wavotete kûmûthondeka.

Luka 8:45

Nake Jesû nîwaûririe atîrî, “Nî ûrîkû ûcio wamvutia?” Na vîndî îrîa andû onthe maakanire, Petero nîwamwîrire atîrî, “Mwarimû na kinthî we ndûrona andû nîmakûrigicîrîtie na magakûvatîka!”

Johana 5:13

Nwatî mûndû ûcio wavonetue ndaamenya ûrîa wamûvonirie nîûndû Jesû nîwaûrîre kîrîndîrî kîrîa Kîamrî vau.

Ciîko 19:12

Andû amwe nîmoocire itambaa na nguo irîa ke aatûmîrîte na makîivira kûrî arwaru. Nao andû acio meka ûguo, arwaru nîmaavonire na maroho macûku makîrutûrûrwa kuuma kûrî o.

Ciîko 5:15

Andû nîmaakuuaga arwaru ao na makamaumîria njîrarî mamamîrîte morîrî na ivarî. Maamaigaga kuo marî na mwîvoko atî arwaru amwe nîmakûvutua nî kîruru Kîam Petero vîndî îrîa aavîtûkaga kuo.

Gûco 22:12

“Tumagîrîrani mîkumbû mîthiiarî îna ya nguo cienyu.