Luka 8:43 - ÎVUKU RÎA ÛVORO MWARO

⁴³ Na gatagatîrî ka andû acio, vaarî na mûndûmûka watûûrîte mîaka îkûmi na îrî auraga nthakame. Mûndûmûka ûcio nîwavûthîrîte indo cionthe ciake kûrîva ndagîtarî arîa maamûthondekaga, nwatî gûtiarî wana ûmwe wavotete kûmûthondeka.

Luka 8:43 ပူးပေါင်းရင်းမြစ်များ

2Maû 16:12

Mwakarî wa mîrongo îthatû na kenda kuuma mûthamaki Asa ambîrîria kwathana, nîwanyitirwe nî mûrimû mûcûku mûno wa magûrû na ûgîtûma atuîka kîonje. Nwatî wana vîndî îo aarwarîte ûguo, Asa ndaaûria ûtethio kuuma kûrî Ngai-Mûnene, nwatî aacaririe ûtethio kuuma kûrî ago.

Ayubu 13:4

Mue mûkunîkîrîte ûrimû wenyu na maveeni, muonthe mûrî ndagîtarî itangîvonia mûndû.

Thaburi 108:12

Tûtethie kûrûa na nthû cietû; nîûndû ûtethio wa mûndû nîwa mana.

Isaia 2:22

Ndûkevoke mûndû wa gûkû nthî. Ûtûûro wake ûthiraga ta mîvevû. Mûndû nîwa vata ûrîkû?

Maariko 12:44

Nîûndû acio engî onthe marekia matigari ma ûtonga wao, nwatî ûyû athînîte ûguo athînîte, arekia mbeca cionthe irîa ararî nacio mûthithûrî wake.”

Maariko 9:18

Na rîrîa rîonthe ngoma îo yakanyita, nî îgatungumanagia nthî, nako gakambîrîria kûruta mûvûû, gakarîa magego, na gagaacoka gakaûmagara mwîrî wonthe. Nie mbûririe arutwa aku marutûrûre ngoma îo nwatî maremwa.”

Luka 13:11

Nakuo kûu kwarî na mûndûmûka warî na ngoma yatûmîte arware îvinda rîa mîaka îkûmi na înana. Mûndûmûka ûcio aatûûrîte enamîrîrîte na atakûvota kwînamûka.

Luka 13:16

Mûndûmûka ûyû wa rûciaro rwa Iburahimu arathirîtie mîaka îkûmi na înana ovetwe nî Caitani. Anga tî kwagîrîru mûndûmûka ûyû wa nake avonue mûthenya wa thavatû?”

Luka 8:27

Rîrîa Jesû aaumire îtarûrî na agîkinya nthî nyûmû, nîwatûngirwe nî mûndû warî na ngoma wa kuuma îtûûrarî rîu. Mûndû ûcio eekaraga arî njaga na ndaatûûraga mûciî, nwatî aatûûraga kûrîa mbîrîra ciarî.

Luka 8:42

nîûndû mwîrîtu wake wa mûmwe warî na ûkûrû wa mîaka îkûmi na îrî, aarî vakuvî gûkua. Vîndî îrîa Jesû aarî njîrarî athiîte kwa Jairû mûciî, andû nîmaamûvatîkîte mîenarî yonthe.

Luka 8:44

Nake mûndûmûka ûcio nîwaumire Jesû vuva. Na vîndî îrîa aavutirie mûthiia wa kanjû ya Jesû, nthakame îrîa aauraga nîyatigire kuura wa rîmwe.

Johana 9:1

Rîrîa Jesû aavîtûkîte, nîwonire mûndû waciarîtwe arî mûtumumu.

Johana 9:21

Nwatî tûtiîcî ûrîa ke aravota kwona. Wana tûtiîcî mûndû ûrîa ûramûvotithirie kwona. Mûrieni ke nî mûgima wa kûvota kwîarîrîria!”

Ciîko 3:2

Na vau mûromorî wa hekarû, ûrîa wetagwa Mûromo Mûthaka, vaarî na mûndû watûûrîte onjete magûrû kuuma gûciarwa gwake. Wa mûthenya wa mûthenya nîwakuuagwa akaigwa vau mûromorî ûcio nîguo avoe mbeca kuuma kûrî andû arîa maatonyaga hekarûrî.

Ciîko 4:22

Mûndû ûcio wavonirue na njîra îo ya kûringîrwa Kîamma aarî na ûkûrû wa makîria ya mîaka mîrongo îna.