Luka 8:27 - ÎVUKU RÎA ÛVORO MWARO

²⁷ Rîrîa Jesû aaumire îtarûrî na agîkinya nthî nyûmû, nîwatûngirwe nî mûndû warî na ngoma wa kuuma îtûûrarî rîu. Mûndû ûcio eekaraga arî njaga na ndaatûûraga mûciî, nwatî aatûûraga kûrîa mbîrîra ciarî.

Luka 8:27 ပူးပေါင်းရင်းမြစ်များ

Isaia 65:4

Mekaraga mbîîrîrarî na makararaga methithîte. Marîcaga nyama cia ngûrwe na makanyunyaga mûthûri wa nyama irîa irî mûgiro.

Ndari 19:16

Mûndû angîvutia kimba Kîam mûndû aûragîtwe kana akuîte, kana mûndû angîvutia îvîndî rîa mûndû mûkuû, kana mbîrîra, mûndû ûcio akethagîrwa atarî mûtheru îvinda rîa mîthenya mûgwanja.

Mathaayo 4:24

Nayo ngumo yake nîyatambire vûrûrirî wonthe wa Sîria. Kwoguo andû nîmaamûvirîre andû onthe arîa maarî arwaru na maarî na mîrimû ya mîthemba yonthe: ndaimono, kîvava na kwonja ciîga cia mwîrî. Jesû nîwamavonirie onthe.

Maariko 5:15

Rîrîa maakinyire kûrî Jesû, nîmoonire mûndû ûcio wethîrîtwe arî na ngoma ekarîte vau nthî ekîrîte nguo na arî na kîongo Kîamro. Nao andû acio nîmaanyitirwe nî guoya.

Luka 8:26

Jesû na arutwa ake nîmaakinyire vûrûrirî wa Gerasa, ûrîa ûrî mûrîmo wa îria rîa Galili.

Luka 8:28

Na rîrîa mûndû ûcio oonire Jesû, nîwakaire, akîîgwîthia nthî mbere yake na akîanîrîra atîrî, “Jesû Mûriû wa Ngai ûrîa ûrî Îgûrû Mûno, ûrenda atîa nanie? Nie nakûthaitha ndûkamverithie!”

1Sam 19:24

Nîwarutire nguo ciake na akîambîrîria kûratha arî mbere ya Samueli. Nîwekarire arî njaga mûthenya ûcio wonthe na ûtukû. (Kwoguo andû nîmaambîrîrie kûrania atîrî, “Nîkwa Saûlo wanake arî mûtuîku mûrathi?”)