Luka 8:25 - ÎVUKU RÎA ÛVORO MWARO

²⁵ Jesû nî wacokire akîûria arutwa ake atîrî, “Mûregete kûgîa na wîtîkio nîkî?” Nao nî maamakire, makîgua guoya na makîambîrîria kûrania atîrî, “We! Kaî mûndû ûyû arî ke û? Ke aratha rûkûngi wana manjî, nacio ikamwathîkîra?”

Luka 8:25 ပူးပေါင်းရင်းမြစ်များ

Nthi 30:4

Nîûrîkû wanaunûkia îgûrû na agîcoka kûnyûrûrûka gûkû nthî? Nîûrîkû wanakumbatîria rûkûngi na ngundi yake? Nîûrîkû wanovania manjî na nguo? Nîûrîkû wathondekire mîthiia yonthe ya nthî? Etagwa atîa, na mûvîcî etagwa atîa? Mbîra na ma ethîrwa nîwicî!

Nthi 8:29

Naarî vo vîndî îrîa aarûthire mîvaka ya îria nîguo îria rîtikavîtûke varîa aarîathire rîkinye. Naarî vo rîrîa aarûthire mîcingi ya nthî.

Mathaayo 14:31

Na wa rîmwe Jesû nîwatambûrûkirie njara akîmûnyita na akîmwîra atîrî, “Kaî wîtîkio waku nî mûnini-î! Nîkî gîtûmire ûgîe na nganja?”

Mathaayo 17:20

Nake Jesû nîwamacokerie atîrî, “Nîûndû mûrî na wîtîkio mûnini. Nîramwîra na ma atî mwethîrwa mûrî na wîtîkio wîgana ta vîndî ya mûtî wa karatarî, nwa mwîre kîrîma gîkî atîrî, ‘Uma ava na ûthiî vaarîa,’ na nwa kîthiî; na gûtirî ûndû ûkaamûrema. [

Mathaayo 6:30

Ngai nîke ûmenyagîrîra nyaki ya kîthaka; îrîa îrî vo ûmûnthî na rûciû îgaikua riiko îkavîa. Nîkwa mûtarî na ûma atî Ngai nîakûmûva nguo? Na kaî mue mûrî na wîtîkio mûnini-î!

Mathaayo 8:10

Na rîrîa Jesû eegwire ûguo, nîwamakire na akîra andû arîa maamûrûmîrîrîte atîrî, “Nîramwîra na ma atî, nie ndianona mûndû wîna wîtîkio ta ûyû gûkû Isiraeli.

Mathaayo 8:26

Nake Jesû nîwamaûririe atîrî, “Mue mûretigîra nîkî? Na kaî mue mûrî na wîtîkio mûnini-î!” Nake Jesû nîwacokire akîrûngama na akîatha rûkûngi na îria ivoorere. Nacio nîciavorere mûno.

Maariko 4:35

Kîvwaî Kîam mûthenya wa ûcio, Jesû nîwerire arutwa ake atîrî, “Nîtûringeni mûringo ûrîa wîngî wa îria.”

Luka 12:28

Angîthîrwa Ngai nîke ûvecaga nyaki ya kîthakarî riiri, nyaki îrîa îrî vo ûmûnthî na rûyû îgaikua riiko, na kinthî tî ke ûngîmwîkîra nguo mûno makîria mue andû aya a wîtîkio mûnini!

Luka 8:24

Nao arutwa a Jesû nî maathiîre varîa aarî, makîmûramûkia na makîmwîra atîrî, “Mwarimû! Tûrî vakuvî gûkua!” Nake Jesû nî waramûkire na agîkaania rûkûngi na ndivû cia manjî, naruo rûkûngi rûgîtiga kûvurutana na îria rîkîvoorera.

Luka 8:26

Jesû na arutwa ake nîmaakinyire vûrûrirî wa Gerasa, ûrîa ûrî mûrîmo wa îria rîa Galili.

Johana 11:40

Jesû nîwamwîrire atîrî, “Na kinthî ndikwîrire wetîkia nîûkwona riiri wa Ngai?”