Luka 8:24 - ÎVUKU RÎA ÛVORO MWARO

²⁴ Nao arutwa a Jesû nî maathiîre varîa aarî, makîmûramûkia na makîmwîra atîrî, “Mwarimû! Tûrî vakuvî gûkua!” Nake Jesû nî waramûkire na agîkaania rûkûngi na ndivû cia manjî, naruo rûkûngi rûgîtiga kûvurutana na îria rîkîvoorera.

Luka 8:24 ပူးပေါင်းရင်းမြစ်များ

Thaburi 65:7

We nîûvoragîria marurumî ma îria, na înegene rîa makûmbî ma rîo; nîûvoragîria înegene rîa andû.

Isaia 50:2

“Nîndûî gîatûmire vethîrwe vatarî mûndû vîndî îrîa naûkire? Nîndûî gîatûmire ndure mûndû wa kûnjokeria vîndî îrîa netanire? Nîkwa vinya wa njara yakwa wî mûnini, ûndû îtangîvota gûkûûra andû? Kana nîkwa ndarî na vinya wa kûvonokania? Taroriani nie nîmvûîthagia îria na uuge wakwa, na ngatûma nyûnjî ituîke werû, na nthamaki ciakuo igakua nî kûnyonda, na ikanunga nî gûtura manjî.

Jeremia 5:22

Ngai-Mûnene araûria atîrî, Nîndûî kîgiragia mûnîîtigîra? Nîndûî kîgiragia mwinaine mûrî mbere yakwa? Nînaigîre mûthanga ûtuîke mûvaka wa îria, mûvaka wa gûtûûra ûrîa rîtangîkîra. Wana ethîrwa makûmbî nîmaikanagia ava na vaarîa mwatî matingîûvîtûka, wana ethîrwa nîmarurumaga, matingîûkîra.

Nahumu 1:4

Nîathaga îria na rîkanyaara, ke nîanyarithagia nyûnjî. Mîgûnda ya Bashani na kîrîma gîa Karimeli nîciûmagaraga, maûa ma Lebanoni makavova.

Mathaayo 14:30

Nwatî rîrîa oonire rûkûngi rûnene nîwetigîre, na akîambîrîria kûvorokera manjîrî. Nake nîwaugîrîrie atîrî, “Mwathani, mvonokia!”

Mathaayo 8:25

Nao arutwa ake nîmaathiîre varîa Jesû aarî na makîmûkîria makîmwîraga atîrî, “Mwathani, tûvonokie, nî tûkûûrîra manjîrî.”

Maariko 4:39

Nake Jesû aramûka, nîwakanirie rûkûngi na vinya, na akîra îria atîrî, “Vorera!” Naruo rûkûngi nîrwatigire kûvurutana, narîo îria rîkîvoorera.

Luka 4:35

Nwatî Jesû nîwamûkaanirie akîmwîra atîrî, “Kira na ume kûrî ke!” Nayo ngoma îo yarîkia gûtungumania mûndû ûcio vau nthî mbere ya andû acio onthe, nîyaumire kûrî ke îtakûmûgera ngero wana îrîkû.

Luka 4:39

Jesû nîwakuvîvîrie mûndûmûka ûcio, na aamûroria, akîatha mûrimû ûcio ume kûrî ke, na ûkiuma. Nake mûndûmûka ûcio nîwaûkîrire wa rîmwe na akîambîrîria kûmatungatîra.

Luka 5:5

Nake Simoni nîwerire Jesû atîrî, “Mwathani! Tue tûrarutire wîra mûmû ûtukû mûgima na gûtirî kîndû tûragwatirie. Nwatî nîûndû we nîwambîra mbikie neti manjîrî, nie nîngwîka guo.”

Luka 8:25

Jesû nî wacokire akîûria arutwa ake atîrî, “Mûregete kûgîa na wîtîkio nîkî?” Nao nî maamakire, makîgua guoya na makîambîrîria kûrania atîrî, “We! Kaî mûndû ûyû arî ke û? Ke aratha rûkûngi wana manjî, nacio ikamwathîkîra?”