Luka 8:22 - ÎVUKU RÎA ÛVORO MWARO

²² Mûthenya ûmwe, Jesû na arutwa ake nîmaatwîre îtarû na Jesû akîmeera atîrî, “Nîtûringeni mûrîmo ûrîa wîngî wa îria.” Kwoguo nî maambîrîrie rûgendo rwao.

Luka 8:22 ပူးပေါင်းရင်းမြစ်များ

Mathaayo 14:22

Jesû nîwacokire akîra arutwa ake matwe îtarûrî nîguo maringe mûringo ûcio wîngî wa îria mwerua arekereria kîrîndî kînûke.

Mathaayo 8:18

Rîrîa Jesû oonire andû eengî mûno mamûthiûrûrûkîrîtie, nîwathire arutwa ake maringe mûringo ûcio wîngî wa îria.

Maariko 5:21

Rîrîa Jesû aaringire rîngî mûringo ûcio wîngî wa îria rîa Galili arî îtarûrî, kîrîndî kîîngî nîkîathiîre vau rûtererî rwa îria na gîkîmûrigicîria.

Maariko 6:45

Na wa rîmwe Jesû nîwerire arutwa ake matwe îtarûrî maringe mûringo ûcio wîngî wa îria, nîguo mathiî Bethisaida marî mbere yake kamwerua ka arekererie kîrîndî.

Maariko 8:13

Nake Jesû nîwamatigire, agîtwa îtarûrî, na akîringa mûringo ûcio wîngî wa îria.

Luka 5:1

Mûthenya ûmwe, Jesû nîwarûngamîte rûtererî rwa îria rîa Genesareti. Nao andû nîmaamûvatîkîte makîenda kwîgua ndûmîrîri ya Ngai.

Luka 8:23

Na vîndî îrîa maaringaga îria, Jesû nî wagwatirwe nî toro. Naruo rûkûngi rûnene mûno nî rwambîrîrie kûvurutana na manjî makîambîrîria kûgîa îtarûrî, nginya magîtigaria vanini mûno kûvorokera manjîrî.

Luka 8:33

Nacio ngoma nîciaumire kûrî mûndû ûcio na igîtonya ngûrwerî. Nacio ngûrwe icio cionthe nîciatitimûkire kînyûrûrûkorî igîikia îriarî na ikîûrîra kuo.

Johana 6:1

Vuva wa ûguo, Jesû nîwaringire îria rîa Galili (rîrîa rîcîkene na rîîtwa rîngî îria rîa Tiberia)

Ciîko 27:2

Natue nîtwatwîre merirî îrîa yaumîte Adiramîtu na yagerie kûthiî matûûrarî mwanya mwanya ma marîa maarî na irûngamo cia meri gîcunjîrî Kîam Asia. Nake Arisitariko ûrîa warî wa kuuma îtûûrarî rîa Thesalonike vûrûrirî wa Makedonia, nîwathiîcanirie natue.