Luka 8:21 - ÎVUKU RÎA ÛVORO MWARO

²¹ Nake Jesû nîwerire andû acio onthe atîrî, “Nyanya na aa mûrwaiya nî andû arîa megucaga na makathîkîra ndûmîrîri ya Ngai.”

Luka 8:21 ပူးပေါင်းရင်းမြစ်များ

Mathaayo 17:5

Na vîndî wa îo Petero wa akîaragia, îtu rîarî na ûtheri mwîngî nîrîaûkire rîkîmakunîkîra. Naguo mûgambo nîwaumire îtuurî rîu na ûkiuga atîrî, “Ûyû nîke Mûrû wakwa ûrîa mendete, na nie nîrîmûkenie mûno nîke, mûthikîrîrieni!”

Mathaayo 25:40

Nake Mûthamaki ûcio nîakaamacokeria atîrî, ‘Nie nîramwîra nama atî, ûndû ûrîa wonthe mwekire mûndû ûrîa mûnini mûno wa ariû a îthe wetû, nî nie mwekire!’

Mathaayo 25:45

Nake Mûthamaki nîakaamacokeria atîrî, ‘Nîramwîra nama atî vîndî îrîa mwaregire gûtethia mûndû ûrîa mûnini mûno, nînie mwaregire gûtethia.’

Mathaayo 28:10

Nake Jesû nîwamerire atîrî, “Tigani gwîtigîra. Thiîni mwîre ariû a îthe wetû mathiî Galili na kûu nîkuo makaamona.”

Luka 8:15

Nacio mbeû irîa ciagwîre mûtheturî ûrîa warî mûnoru, nî andû arîa megucaga ndûmîrîri ya Ngai na makamiga marî na ngoro mbaro na mbathîki, na magakirîrîria nginyagia rîrîa makaagîa maciaro.”

Luka 8:20

Nake mûndû ûmwe nîwerire Jesû atîrî, “Nyûkwe na arîa mûciaranîrîtue nao marûngamîte vaarîa nja makîenda gûkwona.”

Johana 13:17

Rîu nîûndû nîmwamenya maûndû mama, mûkaarathimagwa ethîrwa mûkaamekaga!

Johana 20:17

Nake Jesû nîwamwîrire atîrî, “Tiga kwînyitîrîra nanie nîûndû ndirî mwambatu kûrî Vava. Nwatî thiî kûrî aa mûrwaiya na ûmeere atî nie nîkwa njokete kûrî ûrîa arîke Vava na nwake Îthe wao, Ngai wakwa na nwake Ngai wao”.

2Akor 5:16

Kwoguo kuuma rîu, tûtigûcoka gûtucagîra mûndû wa wonthe kûringana na meciria ma andû. Wana ethîrwa vîndî îmwe nîtwatuîrîre Kristû kûringana na ûrîa andû meciragia, rîu tûtiîkaga ûguo.

2Akor 6:18

Nie nîngaatuîka îthe wenyu, namue nîmûgaatuîka ariû na aarî akwa, ûguo nîguo Mwathani mwene vinya wonthe augîte.”

Jakuvu 1:22

Tigani kwîveenia na njîra ya kûthikîrîria kiugo gîake tu, vandû va ûguo îkagani ûrîa kiugîte.

1Joh 2:29

Ethîrwa nîmwîcî atî Kristû nî mûthingu, nîmwagîrîrwe nî kûmenya atî mûndû wonthe wîkaga maûndû ma ûthingu nî mwana wa Ngai.

3Joh 1:11

Mûrata wakwa, ndûkarûmîrîre maûndû marîa macûku, nwatî rûmagîrîra maûndû marîa maro. Mûndû wa wonthe wîkaga waro nî wa Ngai, nake mûndû wa wonthe wîkaga maûndû macûku ndaanona Ngai.