Luka 8:2 - ÎVUKU RÎA ÛVORO MWARO

² vamwe na aka amwe arîa Jesû aarutûrûrîte maroho macûku kuuma kûrî o na akamavonia mîrimû, nîmaathiîcanirie nake. Aka arîa maarî vo nî; Mariamu (ûrîa wetagwa Mûmagidali) ûrîa warutûrûrîtwe ngoma mûgwanja,

Luka 8:2 ပူးပေါင်းရင်းမြစ်များ

Mathaayo 4:24

Nayo ngumo yake nîyatambire vûrûrirî wonthe wa Sîria. Kwoguo andû nîmaamûvirîre andû onthe arîa maarî arwaru na maarî na mîrimû ya mîthemba yonthe: ndaimono, kîvava na kwonja ciîga cia mwîrî. Jesû nîwamavonirie onthe.

Maariko 16:1

Thavatû yavîtûka, Mariamu Mûmagidali, Salome na Mariamu ng'ina wa Jakuvu nîmaagûrire indo cianungaga waro nîguo mathiî makavake mwîrî wa Jesû.

Maariko 16:9

Rîrîa Jesû aariûkire Jumaviri kîraûko tene nîwambire kuumîrîra Mariamu Mûmagidali ûrîa aarutîte ngoma mûgwanja. Nao aka acio nîmaathiîre kûrî Petero na arata ake na makîmava na njîra nguvî ûvoro wonthe ûrîa meerîtwe.

Luka 23:27

Andû eengî mûno nîmaaumire Jesû vuva na gatagatîrî kao vaarî na aka maarîragîra Jesû marî na kîeva kîîngî ngororî ciao.

Luka 23:49

Nao andû onthe arîa maamwîcî wa vamwe na aka arîa maamûrûmîrîrîte kuuma Galili, nîmaarûngamire vandû varaca maroretie.

Luka 23:55

Nao aka arîa maaumîte Jesû vuva kuuma Galili, nîmaathiîre marî vamwe na Josefu na makîona mbîrîra na ûrîa mwîrî wa Jesû waigirwe.

Luka 8:30

Nake Jesû nîwaûririe mûndû ûcio atîrî, “Wîtagwa atîa?” Nake mûndû ûcio nîwamûcokerie atîrî, “Nie mbîtagwa mbûtû.” Mûndû ûcio aacokirie ûguo nîûndû aarî na ngoma nyîngî.

Johana 19:25

Nao ng'ina wa Jesû, mwarwang'ina na ng'ina wa Jesû, Mariamu mûka wa Kileopa na Mariamu Mûmagidali, nîmaarûngamîte vakuvî na mûtharava wa Jesû.

Ciîko 1:14

Nao nîmaatûnganaga mavinda meengî kûvoya Ngai marî vamwe, na marî na aka wana Mariamu ûrîa ng'ina wa Jesû na aa mûrwang'ina na Jesû.