Luka 8:18 - ÎVUKU RÎA ÛVORO MWARO

¹⁸ “Kwoguo menyererani maûndû marîa mûregua, nîûndû mûndû ûrîa ûrî na indo nyîngî nîke ûkoongererwa. Nwatî mûndû ûrîa ûtarî, nîagaacunwa wa na kîrîa kînini arecirîria atî arî nakîo.”

Luka 8:18 ပူးပေါင်းရင်းမြစ်များ

Nthi 14:12

Kûrî njîra mûndû onaga takwa îrî mbagîrîru, nwatî mûthiiarî îviraga mûndû gîkuûrî.

Mathaayo 13:12

Nîûndû mûndû ûrîa wîna kîndû nîakoongererwa na ciîngîve mûno makîria; nwatî mûndû ûrîa ûtarî na kîndû, nîagaacunwa wana kîndû kîrîa kînini arî nakîo.

Mathaayo 25:29

Nîûndû mûndû wa wonthe wîna kîndû, nîakoongererwa ciîngî nyîngî, na makîrîa. Nwatî mûndû ûrîa ûtarî na kîndû, wana kîrîa kînini arî nakîo nîagaacunwa.

Maariko 13:14

“Rîrîa mûkoona kîndû kîrîa kîrî mûgiro kîrî varîa gîtagîrîrwe nîkwîthîrwa kîrî.” (Mûndû ûrîa ûrathoma nîataûkîrwe nî ûrîa kûreerwa) “Vîndî îo andû arîa makeethîrwa marî Judea, nîmakaaûra mathiîte irîmarî.

Luka 19:26

Nake mûnene ûcio nîwamacokerie atîrî, ‘Nîramwîra na ma atî mûndû wa wonthe ûrî na kîndû nîakoongererwa ciîngî nyîngî, nwatî mûndû ûrîa ûtarî na kîndû, wana kîrîa kînini arî nakîo nîagaacunwa.

Luka 9:44

“Mûtikariganîrwe nî ûvoro ûyû ngeerie kûmwîra! Mûrû wa Mûndû nîakûnenganîrwa nîguo anyitwe nî andû.”

Johana 15:2

Ke nîatemaga rûvûa wa ruonthe rwakwa rûrîa rûtaciaraga maciaro, na rûvûa wa ruonthe rûciaraga maciaro nîarûcaaga nîguo rûciare maciaro meengî.

Ciîko 10:33

Kwoguo nînaagûtûmanîre rîmwe, na we nîweka waro mûno nîûndû nîwaûka. Rîu tue tuonthe tûrî ava mbere ya Ngai tûthikîrîrîtie wa ûrîa wonthe we ûgûtwîra wathîtwe nî Mwathani.”

Ciîko 17:11

Ayahudi arîa maarî Berea nîmeendaga kûmenya maûndû gûkîra arîa maarî Thesalonike. Nao nîmaathikîrîrie ndûmîrîri îo marî na wendi mwîngî, na wa mûthenya wa mûthenya nîmaatuîragia Mandîkorî Matheru nîguo mone kana maûndû marîa Paûlo aaragia maarî ma ma.

Aroma 12:3

Nîûndû wa wega ûrîa naveerwe nî Ngai, muonthe nîramwîra atîrî: Mûtigetue anene gûkîra ûrîa mwagîrîrwe nî kwîthîrwa mûrî. Vandû va ûguo îthagîrwani mûrî na meciria matarî ma mwîtîîo, kûringana na wîtîkio ûrîa Ngai avete wa mûndû wa mûndû.

1Akor 14:37

Mûndû wa wonthe wîciragia atî ke nî mûrathi, kana atî ke arî na kîveo gîa kîîroho, nîwagîrîrwe nî kûmenya atî nie nîramwandîkîra maûndû marîa mbathîtwe nî Mwathani.

1Akor 3:18

Mûndû wana ûrîkû ndakeveenie. Ethîrwa nîkûrî na mûndû wana ûmwe gatagatîrî kenyu wîciragia atî ke nî mûûgî arî gûkû nthî îno, nîwagîrîrwe nîgwîtua kîrimû nîguo atuîke mûûgî na ma.

1Akor 8:2

Mûndû wa wonthe ûrîa wîciragia atî nîkûrî na ûndû aicî, na ma ndethagîrwa aicî ta ûrîa agîrîrwe nî kwîthîrwa aicî.

Afil 3:4

Nîrî nama atî nînîngîavotire kwiga mwîvoko wakwa maûndûrî ma mwîrî. Angîthîrwa nîkûrî mûndû ûngîîvoka maûndû ma nja ma mwîrî, nie nîrî na gîtûmi kînene mûno gîa gwîka guo.

Ahib 2:1

Nîûndû wa ûguo, nwanginya tûnyitie waro ûvoro wa ma ûrîa twîguîte nîguo tûtikaume kûrî guo.