Luka 7:34 - ÎVUKU RÎA ÛVORO MWARO

³⁴ Nake Mûrû wa Mûndû aûka akîrîcaga na akînyunyaga mûkiuga atî, ‘Taroriani mûndû ûyû! Ke nîmûkoroku na nî mûrîu! Nî mûrata wa etia a mbeca cia gooti na wa evia arîa engî.’

Luka 7:34 ပူးပေါင်းရင်းမြစ်များ

Mathaayo 11:19

Na rîrîa Mûrû wa Mûndû aaûkire nîwarîre na akînyua. Nao andû onthe nîmaaugire atîrî, ‘Taroriani mûndû ûyû! Ke nî mûkoroku na nî mûrîu wa ndivei! Ke nî mûrata wa etia mbeca cia gooti na evia!’ Nwatî ûûgî nîûmenyekanaga atî nî wa ma na njîra ya ciîko ciaguo.”

Mathaayo 5:46

Ethîrwa mwendaga tu wa andû arîa mamwendaga, Ngai angîmûva kîveo nîkî? Wana etia mbeca cia îgooti nîmekaga wa guo!

Mathaayo 9:11

Na rîrîa Afarisai moonire ûguo, nîmaaûririe arutwa ake atîrî, “Nîndûî gîtûmaga mwarimû wenyu arîcanîre na evia na etia mbeca cia gooti?”

Luka 11:37

Vîndî îrîa Jesû aarîkirie kwaria, Mûfarisai ûmwe nîwamwîtire nîguo mathiî nake gwake makarîe. Kwoguo Jesû nîwatonyire nyomba ndarî na agîkara metharî kûrîa irio.

Luka 14:1

Mûthenya ûmwe wa thavatû, Jesû nîwathiîre kûrîa irio mûciî kwa mûnene ûmwe Mûfarisai. Na arî kûu, andû nîmaamûroragia mûno.

Luka 15:2

Nao Afarisai na arimû a Watho nîmaambîrîrie kûnuguna makiugaga atîrî, “Mûndû ûyû nîagwataga evia ûgeni wana nginya akarîcanîra nao!”

Luka 19:7

Nao andû onthe arîa moonire ûguo, nîmaanugunire makiuga atîrî, “Mûndû ûyû athiî mûciî kwa mwîvia gûtuîka mûgeni.”

Luka 5:29

Lawi nîwacokire akîthondekera Jesû kîrugo kînene mûno gwake mûciî. Gîkundirî Kîam ageni arîa meetîtwe, kwarî na etia eengî a mbeca cia gooti wa vamwe na andû arîa engî.

Luka 7:33

Nie namwîra ûguo nîûndû vîndî îrîa Johana Mûvatithania aaûkire na akîînyerekia kûrîa mîgate wana nginya kûnyua ndivei mwaugire atî, ‘Ke arî na ngoma!’

Luka 7:35

Nwatî ûûgî wa Ngai nîwonanagua nî wa ma nî andû onthe arîa metîkagîra ndûmîrîri ya Johana na ya Jesû.”

Luka 7:36

Mûfarisai ûmwe nîwetîre Jesû irio. Rîrîa Jesû aathiîre mûciî kwa Mûfarisai ûcio, nîwekarire nthî na akîambîrîria kûrîa irio.

Johana 12:2

Kûu nîkuo maamûvarîrîrie irio cia kîvwaî. Maritha nîwatethererie kûvecana irio, nake Lazaro aarî ûmwe wa arîa meekarîte na Jesû metharî.

Johana 2:2

Wana Jesû na arutwa ake maarî eete ûvikirî ûcio.