Luka 7:30 - ÎVUKU RÎA ÛVORO MWARO

³⁰ Nwatî Afarisai na arimû a Watho nîmaaregire gwîtîkia atî njîra cia Ngai nî nûngarû vîndî îrîa o maaregire kûvatithua nî Johana.

Luka 7:30 ပူးပေါင်းရင်းမြစ်များ

Nthi 1:25

Mue nîmûregete ûtaaro wakwa wonthe, na nîmûregete gwîtîkîra ngîmûkaania.

Jeremia 8:8

Mûngîvota atîa kuga, ‘Tûrî aûgî, na nîtûrûmagîrîra watho wa Ngai-Mûnene,’ nwatî taroriani mawatho nîmagarûre nî andîki maarûa, matarî evokeku nîmagarûrîte watho wakwa.

Mathaayo 22:35

Na mûndû ûmwe gatagatîrî kao warî mwarimû wa Watho nîwageririe kûmûtega na akîmûria atîrî,

Luka 13:34

“Jerusalemu, Jerusalemu! Atî wa rîrîa rîonthe Ngai agûtûmîra arathi nîkwa ûmaûragaga! Nî maita megana nanenda gûcokanîrîria andû aku vamwe wata ûrîa ngûkû îcokanagîrîria tûciiû rungu rwa mathagu mayo, nwatî ndûmbîtîkagîria!

Luka 20:6

Nwatî wona twauga, ‘Johana aatûmirwe nî andû,’ andû aya onthe nîmagûtûriva na mathiga nîûndû nîmetîkîtie atî Johana aarî mûrathi.”

Luka 7:31

Jesû nîwathiîre na mbere na kûmeera atîrî, “Nîndûî rîu nîngîgerekania andû a rûciaro rûrû nakîo? Rîu andû aya-î mekariî ta ndûî?

Ciîko 20:27

nîûndû nie ndianamûthitha ûndû wana ûmwe wa marîa Ngai avangîte gwîka.

Aroma 10:21

Nwatî ûvoro wîgiî Isiraeli Ngai augîte atîrî, “Natindire mûthenya mûgima ndambûrûkîtie njara kûrî andû aremi na aûmû ngoro.”

2Akor 6:1

Tûkîrutithania wîra wetû vamwe na Ngai, nîtûramûthaitha mûtikamûkîre wega wa Ngai mana.

Agal 2:21

Ndireganîte na wega wa Ngai. Nwatî ethîrwa mûndû nwa atuwe mûthingu nî Ngai na njîra ya watho, ûguo nîta kuga Kristû aakwire mana.

Aefeso 1:11

Maûndû monthe mekagwa kûringana na mûvango wa Ngai na îtua rîake. Nake Ngai aatûthuurire tûtuîke andû ake tûrî kîndû kîmwe na Kristû nîûndû mûvango ûcio nîguo aatuîte kuuma wa Kîammbîrîria atî nîakaaûvingia.