Luka 7:16 - ÎVUKU RÎA ÛVORO MWARO

¹⁶ Nao andû onthe arîa maarî vo nîmecûrirwe nî guoya na magîkumia Ngai makiugaga atîrî, “Tue tûrî aumîrîre nî Mûrathi mûnene, na Ngai nîaûkîte kûvonokia andû ake.”

Luka 7:16 ပူးပေါင်းရင်းမြစ်များ

Thaburi 65:9

Nîûmenyagîrîra nthî na ûkamiurithîria mbura; nîûnorithagia mûthetu, we Ngai, rûnjî rwaku rwîcûrîte manjî, na nîûvecaga vûrûri irio, nîûndû ûguo nîguo ûvangîrîte vûrûri.

Ntha 4:31

Nao atongoria acio nîmeetîkirie. Na vîndî îrîa maamenyire atî Ngai-Mûnene nîamenyete ûrîa maarî na mathîna, nîmaaturumithirie ciongo ciao nthî na makîgooca Ngai-Mûnene.

Jeremia 33:9

Îtûûra rîîrî nîrîgatûma ngîe na gîkeno, ngumo na mbere ya mavûrûri monthe ma nthî marîa makegua ûvoro wîgiî maûndû monthe maro marîa nîmekaga. Mavûrûri nîmagetigîra na mainaine nîûndû wa maûndû maro na wagîrîru ûrîa ndeterete îtûûra rîîrî.”

Mathaayo 15:31

Nakîo kîrîndî kîu nîkîamakire rîrîa kîonire andû arîa mataaragia makîaria, cionje ciavonua, ithua ikîvota kûthiî, na atumumu makîona. Nao andû onthe nîmaakumirie Ngai wa Isiraeli.

Mathaayo 21:11

Nakîo kîrîndî nîgîacokirie atîrî, “Ûyû nîke Jesû ûrîa mûrathi, kuuma îtûûrarî rîa Nazarethi, rîrîa rîrî Galili.”

Mathaayo 28:8

Kwoguo aka acio nîmaumire mbîrîrarî na îvenya mamakîte nwatî marî na gîkeno. Nîmaavinyûrire na makîthiî kwîra arutwa a Jesû ûvoro ûcio.

Mathaayo 9:8

Na rîrîa andû moonire ûrîa gwekîka, nîmeetigîrire na magîkumia Ngai nî ûndû wa kûva andû wathani ta ûcio.

Luka 1:65

Nao andû onthe arîa maatûûranîrîte nake nî meegwire guoya mûno. Naguo ûvoro ûcio nîwataambire kûndû kuonthe vûrûrirî ûrîa ûrî irîma wa Judea.

Luka 1:68

“Mwathani Ngai wa Isiraeli arokumua! Nîûndû nîacerere andû ake, na akamakûûra kuuma ûkomborî.

Luka 19:44

Nîikaamûcûkangia wa vamwe na ciana cienyu na gûtirî îthiga wana rîmwe magaatiga rîrî îgûrû rîa rîngî, nîûndû mûtiamenya kavinda karîa Nga aaûkîte kûmûvonokia!”

Luka 2:20

Arîthi nîmaacokire kûrî ng'ondu ciao makîgoocaga na magîkumagia Ngai nîûndû wa maûndû monthe marîa meeguîte na makoona. Maûndû mau monthe maatuîkîkire wata ûrîa arîthi meerîtwe nî mûraika.

Luka 24:19

Nake Jesû nîwamaûririe atîrî, “Nî maûndû marîkû?” Nao nîmaamûcokerie atîrî, “Maûndû megiî Jesû wa Nazarethi. Methorî ma Ngai na ma andû onthe mûndû ûcio ararî mûrathi ûrarî na ûvoti mûnene maûndûrî marîa araugaga na arekaga.

Luka 5:26

Nao andû onthe nîmaamakire mûno, makîgua guoya na makîambîrîria gûkumia Ngai makiugaga atîrî, “Na kaî ûmûnthî ûyû nîtwona maûndû ma magegania-î!”

Luka 5:8

Nake Simoni Petero ona ûguo, nîwaturîrie Jesû maru na akîmwîra atîrî, “Nthengutîra Mwathani nîûndû nie nîrî mûndû mwîvia!”

Luka 7:15

Nako kamwana kau nîkaaramûkire, gagîkara nthî na gakîambîrîria kwaria. Nake Jesû nîwacokire agîkanenganîra kûrî ng'ina.

Luka 7:39

Vîndî îrîa Mûfarisai ûcio wetîrîte Jesû irio oonire ûguo, nîweîrire na ngoro atîrî, “Mûndû ûyû angîrî mûrathi, nîangîramenya mûndûmûka ûyû ûramûvutia nî wa mûthemba ûrîkû, wana rîngî nîangîramenya mûndûmûka ûyû nî mwîvia.”

Luka 8:37

Nao andû onthe a vûrûri ûcio wa Agadarenesi nîmaathaithire Jesû aume kûu kwao nîûndû o nî meegwire guoya nyîngî. Kwoguo Jesû nîwatwîre gatarûrî na agîcoka kûrîa aaumîte.

Luka 9:19

Nao arutwa nîmaamûcokerie atîrî, “Andû amwe maugaga atî we nîwe Johana Mûvatithania, arîa engî makauga atî we nîwe Elija, nao engî makauga atî we ûrî mûrathi ûmwe wa arîa a tene ûriûkîte.”

Johana 1:21

Nao nîmaamûririe atîrî, “We wî û vi? We wî Elija?” Nake Johana nîwamacokerie atîrî, “Naarî, nie tînie ke.” Nao nîmaamûririe atîrî, “We nîwe Mûrathi?” Nake Johana nîwamacokerie atîrî, “Naarî.”

Johana 1:25

nîmaacokire makîûria Johana atîrî, “Angîthîrwa we tîwe Mesaya, kana Elija, kana Mûrathi, ûvatithanagia nîkî?”

Johana 4:19

Mûndûmûka ûcio nîwamwîrire atîrî, “Mûthuuri ûyû, rîu nînamenya atî we wî mûrathi.

Johana 6:14

Rîrîa andû arîa maarî vo moonire Kîamma kîrîa Jesû aaringire, nîmaaugire atîrî, “Na ma ûyû nîke Mûrathi ûrîa warî aûke gûkû nthî!”

Johana 9:17

Wa rîngî Afarisai acio nîmaaûririe mûndû ûcio atîrî, “We ûngiuga atîa îgûrû rîa mûndû ûcio ûrauga nîke ûrakûvotithirie kwona?” Nake mûndû ûcio nîwamacokerie atîrî, “Ke nî mûrathi.”

Ciîko 5:5

Na rîrîa Anania eegwire ciugo icio, nîwagwîre nthî na agîkua. Na andû onthe arîa meegwire ûvoro ûcio nîmegwire guoya mûno.

Ciîko 7:37

Musa ûcio nwake werire andû a Isiraeli atîrî, ‘Ngai nîakaamûtûmîra mûrathi wata ûguo aandûmire, na ke akeethîrwa arî ûmwe wa andû enyu.’

Agal 1:24

Kwoguo nîmaakumirie Ngai nîûndû wakwa.

Gûco 18:15

Vandû va ûguo Ngai-Mûnene Ngai wenyu nîakaamûtûmîra mûrathi tanie kuuma kûrî andû enyu. Mûkaamwathîkagîra.