Luka 6:6 - ÎVUKU RÎA ÛVORO MWARO

⁶ Mûthenya wîngî wa thavatû, Jesû nîwatonyire îvoerorî na akîthomithîria andû kuo. Nakuo kûu îvoerorî kwarî na mûndû warî na njara yake ya ûrîo yonjete.

Luka 6:6 ပူးပေါင်းရင်းမြစ်များ

1Atha 13:4

Rîrîa mûthamaki Jeroboamu eegwire ûguo, nîworotire mûndû ûcio na njara arûngamîte vau metharî ya kîgongoona na akîathana atîrî, “Nyitani mûndû ûcio!” Wa rîmwe, njara îo mûthamaki oorotete mûrathi nayo nîyaûmagarire na akîremwa nî kûmîthunithia rîngî.

Zakaria 11:17

Mûrîthi ûcio wakwa ûtarî mwaro arî na thîna, ûcio ûtiganagîria ndîthia ya ng'ondu! Arotinua njara yake na arokûrwa ritho rîake rîa mwena wa ûrîo. Tiga njara yake îtuîke kîonje vuru na ritho rîake rîa mwena wa ûrîo rîûre ûrû!”

Mathaayo 4:23

Nake Jesû nîwathiîre kûndû kuonthe vûrûrirî wa Galili, akîthomithanagîria mavoerorî, akîvunjagia Ûvoro Mwaro wîgiî Ûthamaki wa Ngai, na akîvonagia andû arîa maarwarîte mîrimû ya mîthemba yonthe, wana arîa maarî na wonje wa mîthemba yonthe.

Luka 13:10

Jesû nîwathomithagia andû îvoerorî mûthenya wa thavatû.

Luka 14:3

Nake Jesû nîwaûririe arimû a Watho na Afarisai atîrî, “Watho wetû-î, nîwîtîkîrîtie mûndû avonanie mûthenya wa thavatû kana ndwîtîkîrîtie?”

Luka 4:16

Jesû nîwathiîre îtûûrarî rîa Nazarethi kûrîa aarereretwe. Naguo mûthenya wa thavatû wakinya, wa ta mûtugo, Jesû nîwathiîre na agîtonya îvoerorî. Na rîrîa aarûngamire nîguo athome,

Luka 4:31

Jesû nîwacokire akîthiî Kaperinaumu, îtûûrarî rîrîa rîarî vûrûrirî wa Galili. Nake nîwathomithirie andû arî îvoerorî mûthenya wa thavatû.

Luka 6:1

Mûthenya ûmwe wa thavatû rîrîa Jesû na arutwa ake mathiîrîrîte mîgûndarî ya ngano. Arutwa ake nîmaatuire igira cia ngano, makîirikitha na makîambîrîria kûrîa ngano.

Luka 6:5

Nake Jesû akîrîkîrîria nîwamerire atîrî, “Mûrû wa Mûndû nî Mwathani nginya wa mûthenya wa thavatû.”

Johana 5:3

Nao arwaru eengî: atumumu, ithua, na andû arîa maakuîte ciîga, nîmeekarîte ithakurî icio. [Arwaru acio nîmeetagîrîra manjî maunjugwe,

Johana 9:16

Nao Afarisai amwe nîmaaugire atîrî, “Mûndû ûrîa ûrekire ûguo ndaumîte kûrî Ngai, nîûndû ke ndathîkagîra watho wa thavatû.” Nwatî andû amwe nîmaaûririe atîrî, “Mûndû wîthîrîtwe arî mwîvia aravota atîa kûringa ciama ta ino?” Nao nîmaamûkanire.