Luka 6:48 - ÎVUKU RÎA ÛVORO MWARO

⁴⁸ Ekariî ta mûtumi wa nyomba ûrîa wambire kwînja mûcingi mûrikîru na akîûthondeka rûciararî. Vîndî îrîa rûnjî rwaunire manjî maruo nîmaaringire nyomba îo na vinya, nwatî matiaminainia nîûndû yarî ndume waro.

Luka 6:48 ပူးပေါင်းရင်းမြစ်များ

2Sam 22:2

Ngai-Mûnene nîke mûngitîri, nîke vandû vakwa varîa vagitîre mûno, na nîke ûmvonokagia.

2Sam 22:32

Ngai-Mûnene tu nîke Ngai; Ngai wetû tu nîke ûtûgitagîra.

2Sam 22:47

Ngai-Mûnene atûûraga mwoyo! Ke ûrîa ûngitagîra arokumua! Ngai wakwa arokumua! Ke nîke mûngitîri na ûvonokio wakwa!

2Sam 22:5

Naarigicîrîtue nî ngûngi cia gîkuû mîena yonthe, ngûngi cia wanangi nîciambîthîrîrie.

2Sam 23:3

Ngai wa Isiraeli nîwaririe; Ke ûrîa Mûgitîri wa Isiraeli ambîrire atîrî, “Mûthamaki ûrîa wathanaga na kîvooto, ûrîa wathanaga etigîrîte Ngai,

Thaburi 32:6

Kwoguo andû onthe arîa makûrûmagîrîra nîmakûvoyage vîndî cionthe, vîndî îrîa mathîna maûka ta mwîcûro wa manjî, matigaakinyagîrîrwa nî mo.

Thaburi 62:2

Nîke wenga ûngitagîra na akamvonokia; nîke ûngitagîra na ndikenyenyeka.

Thaburi 95:1

Ûkani tuinîre Ngai-Mûnene, tûkûngûîre îthiga rîa ûvonokio wetû tûkenete!

Nthi 10:25

Rîrîa rûkûngi rûnene rwaûka rûthiragia andû arîa aganu, nwatî andû arîa athingu matûûraga mekindîrîtie tene na tene.

Isaia 26:4

Îîvokage Ngai-Mûnene tene na tene, nîûndû Ngai-Mûnene, Ngai nî îthiga rîa ûgitîri tene na tene.

Isaia 28:16

Kwoguo Ngai-Mûnene mwene vinya wonthe arauga atîrî, “Taroria, nîngwiga îthiga rîa mûcingi Zayuni, îthiga rîrî na vinya, îthiga rîa mûcingi rîa goro, rîa mûcingi wîna vinya na rîa goro: ‘Mûndû ûrîa wîtîkîtie ndakeenyenyeka.’

Isaia 59:19

Kuuma mwena wa îthûîro, wa mûndû nîagetigîra rîîtwa rîa Ngai-Mûnene, na onanie riiri wake kuuma mwena wa îrathîro. Nîûndû Ke agaaûka ta rûnjî rûvinyûrîte, rûtindîkîtwe nî rûkûngi rûnene rwa Ngai-Mûnene.

Nahumu 1:8

Rîrîa nthû ciathithûkîra vûrûri ta mwîcûro wa manjî, ke nîaicûkangagia, nîarûmagîrîria nthû ciake nginya ndumarî.

Luka 6:47

Mûndû wa wonthe ûkaga kûrî nie, akegua ciugo ciakwa na agaciathîkîra, nîngûmwonia ûrîa ke ekariî.

Luka 6:49

Nwatî mûndû wa wonthe ûrîa wîgucaga ciugo ciakwa na akarega gûciathîkîra ekariî ta mûndû ûrîa watumire nyomba atambîte kûthondeka mûcingi. Vîndî îrîa rûnjî rwaunire na manjî maruo makîringa nyomba îo na vinya, nyomba îo nîyomomokire wa rîmwe. Nyomba îo nîyomomokire na vinya îkîvaragana.”

Johana 16:33

Namwîra maûndû mama nîguo mûgîe na thayû mûrî na ngwatanîro nanie. Nîmûkûthînîka mûrî gûkû nthî, nwatî ûmîrîriani! Nie nîrîmûvootu nthî!”

Ciîko 14:22

Nao nîmeekîrire etîkia vinya, makîmaûmîrîria mekarage mekindîrîtie wîtîkiorî na makîmeera atîrî, “Nwa nginya twone mathîna meengî mûno mbere ya tûtonye Ûthamakirî wa Ngai.”

Aefeso 2:20

Wa namue mwîkariî ta nyomba îrîa yatumirwe îgûrû rîa atûmwa na arathi marî ta o mûcingi. Nake Kristû ke mwene nîke îthiga rîrîa rîa vata mûno rîa nyomba îo.

Gûco 32:15

“Andû a Isiraeli nîmaarîre waro na makînora, nwatî makîregana nake; nîmaanorire magîtunguva na makîvaa mûno. Nîmaareganire na Ngai ûrîa wamaûmbire, na magîtiganîria mûvonokia wao mûnene.

Gûco 32:18

Nîmaariganîrwe nî Îthiga rîrîa rîamaveere mwoyo, nîmaariganîrwe nî Ngai ûrîa wamaciarire.

Gûco 32:31

Nthû ciao nîciîcî atî ngai ciao itirî na vinya, ngai ciao itirî na vinya ta Ngai wa andû a Isiraeli.

2Tim 2:19

Nwatî mûcingi ûrîa Ngai atumîte ndûngîenyenyeka; na îgûrû rîaguo kwandîkîtwe atîrî, “Mwathani nîwîcî andû ake na mûndû wa wonthe umbûraga Mwathani nwanginya atige gwîka maûndû ma waganu.”

2Pet 1:10

Kwoguo ariû na aarî a îthe wetû, geragiani na kîîo mûno kwona atî na ma nîmwîtîtwe na mûkathuurwa nî Ngai. Ethîrwa nîmûgwîka ûguo, mûtigatiganîria wîtîkio wenyu.

1Joh 2:28

Na rîu twana twakwa, îkarani ndaarî yake nîguo vîndî îrîa agaaûka, tûkethîrwa tûrî na ûmîrîru, nîguo tûtikegue nthoni tûrî mbere yake mûthenya ûrîa agaaûka.

Juda 1:24

Na rîu, kûrî na ûrîa ûrî na ûvoti wa kûmûmenyerera mûtikagwe na kûmûrete mbere ya riiri wake mûtarî na ûcuke na mûrî na gîkeno,

1Sam 2:2

Gûtirî wîngî mûtheru ta Ngai-Mûnene, gûtirî wîngî ûngîvanana nake, gûtirî mûndû ûngîvota gûtûgitîra ta Ngai wetû.