Luka 6:38 - ÎVUKU RÎA ÛVORO MWARO

³⁸ Vecanagani namue nîmûkaavewa iveo nî Ngai, mwîcûrîrîtue, igakindîrwa, ikainainua na ikathûmbwa. Nîûndû kîthimi kîrîa mûthimanagîra nakîo nîkîo Ngai akaamûthimîra nakîo.”

Luka 6:38 ပူးပေါင်းရင်းမြစ်များ

2Sam 19:36

Ndiagîrîrwe nî gwîkwa ûndû mûnene ûguo. Kwoguo nîngûringia Jorodani ngumagarie vanini,

Esita 7:10

Andû acio nîmaacuririe Hamani mûtîrî ûrîa aarûthithîtie ûrî wa gûcuria Moridekai. Namo marakara ma mûthamaki nîmaathirire.

Esita 9:25

Nwatî Esita nîwathiîre kûrî mûthamaki, na mûthamaki akîandîkithia watho wa kuga atî mûvango mûcûku ûrîa Hamani aavangîte wîkwe Ayahudi acokererwe nîguo. Maarûa ino nîcio ciatûmire Hamani acokererwa nîguo. Ke na avîcî ake îkûmi nîmaacurirue mûtîrî.

Ayubu 42:11

Nao aa mûrwang'ina, na andû onthe arîa mbererî maarî arata ake, nîmaûkire kûmûcerera na makîrîcanîra nake gwake mûciî. Nîmaanyitanîre nake mathînarî make na makîmûmîrîria nîûndû wa mathîna monthe marîa aacemanîtie namo kuuma kûrî Ngai-Mûnene na wa mûndû akîmûva mbeca na gîcûvî Kîam thaavu.

Thaburi 79:12

We Mwathani, îîrîvîrîrie kûrî ndûrîrî icio maita mûgwanja ma marîa ikûnyararîte namo.

Ntha 21:24

riitho rîrîvagwe na riitho, îgego rîrîvagwe na îgego. Njara nîîrîvagwe na njara, na kûgûrû kûrîvagwe na kûgûrû,

Nthi 10:22

Irathimo cia Ngai-Mûnene nîcio itûmaga mûndû atonge, na ndarî kîeva aretanagîria na irathimo icio.

Nthi 19:17

Mûndû ûrîa ûvecaga mûthîni kîndû, nîta gûkovithia Ngai-Mûnene, Ngai-Mûnene nîakaamûrîva nîûndû wa ciîko ciake.

Nthi 22:9

Mûndû mûtana nîarathimagwa, nîûndû nîagaanaga irio ciake na athîni.

Jeremia 32:18

We nîwonanagia wendo ûtathiraga kûrî andû ngiri na ngiri nyîngî, nwatî nîûverithagia andû nîûndû wa mevia ma methe. We ûrî Ngai ûrî vinya na ûvoti na rîîtwa rîaku nî Ngai-Mûnene Mwene Vinya Wonthe.

Mathaayo 10:42

Nîramwîra na ma atî mûndû wa wonthe ûvecaga ûmwe wa aya anini gîkombe Kîam manjî ma mvevo ma kûnyua nîûndû nî arutwa akwa, nîakaavewa kîveo.”

Mathaayo 7:2

Nîûndû Ngai akaamûtuîra wata ûrîa mûtucagîra andû arîa engî, na kîthimi kîrîa mûthimagîra arîa engî nakîo nwa kîo mûkaathimîrwa nakîo.

Maariko 4:24

Nake Jesû nîwacokire akîmeera atîrî, “Menyererani maûndû marîa mûregua, nîûndû kîthimi kîrîa mûthimanagîra nakîo nwakîo Ngai akaamûthimîra nakîo na amwongerere.

Luka 6:30

Mûndû wa wonthe angîkûvoya kîndû mûve, na mûndû wa wonthe angîgûcuna kîndû gîaku, ndûkamwîtie.

Gûco 15:10

Vecagani mûndû ta ûcio na ûtaana na ngoro ntheru, na Ngai-Mûnene Ngai wenyu akaamûrathimaga mawîrarî menyu monthe.

Jakuvu 2:13

Nîûndû Ngai ndakeegua ntha agîcirithia andû arîa mategucanagîra ntha, nwatî mûndû ûrîa wîgucanagîra ntha ndageetigîra îtuîro.

Atir 1:7

Adonibeseki nîwacokire akiuga atîrî, “Nîkwarî na athamaki mîrongo mûgwanja maatinîtue ciara irîa nene cia njara wana cia magûrû. Athamaki acio moocanagia rwîtîki rungu rwa metha yakwa makîrîcaga. Wata ûrîa nekire andû, nwaguo Ngai ambîka.” Adonibeseki nîwacokire akîvirwa Jerusalemu, kûrîa aakuîrîre.