Luka 6:30 - ÎVUKU RÎA ÛVORO MWARO

³⁰ Mûndû wa wonthe angîkûvoya kîndû mûve, na mûndû wa wonthe angîgûcuna kîndû gîaku, ndûkamwîtie.

Luka 6:30 ပူးပေါင်းရင်းမြစ်များ

Thaburi 112:9

Arutaga na ûtaana, akava andû arîa athîni; ûtaana wake ûtûûraga tene na tene; ethagîrwa na vinya na nîwîtigîrîtwe.

Thaburi 41:1

Kûrathimwa nî andû arîa marûmbûyagia andû arîa athîni; Ngai-Mûnene nîakaamatethia vîndî îrîa makaagwatwa nî thîna.

Nthi 19:17

Mûndû ûrîa ûvecaga mûthîni kîndû, nîta gûkovithia Ngai-Mûnene, Ngai-Mûnene nîakaamûrîva nîûndû wa ciîko ciake.

Nthi 21:26

Andû arîa aganu vîndî cionthe meriragîria ûrîa mangîgîa, nwatî andû arîa athingu mavecanaga na ûtaana.

Nthi 22:9

Mûndû mûtana nîarathimagwa, nîûndû nîagaanaga irio ciake na athîni.

Mûvunjia 11:2

Onjorithia mbeca ciaku na njîra nyîngî, nîûndû ndwîcî ûrîa gûgekara.

Mûvunjia 8:16

Rîrîa nageririe kûgîa na ûûgî na ngîona maûndû marîa andû mekaga gûkû nthî, nînamenyire atî nwa wîkare ûtamamîte mûthenya na ûtukû.

Mathaayo 18:35

Nake Jesû akîrîkîrîria nîwamerire atîrî, “Ûguo nwaguo Ngai Vava ûrîa wî îgûrû ageeka kûrî mûndû wa wonthe wa cienyu, mûngîrega kûrekera aa mûrwanyûkwe kuuma ngororî cienyu.”

Mathaayo 5:39

Nwatî nie nîramwîra atî: mûndû angîkûvîtîria ndûkanerîvîrîrie. Mûndû angîgûcamûra rûvî rûthîa rwaku rwa ûrîo mûvûgûrîre rûthîa rûu rwîngî wana ruo arûcamûre.

Mathaayo 6:12

Twovere mevia marîa twîkîte, wata ûrîa twovagîra arîa matûvîtîrîtie.

Luka 11:41

Vandû va gwîka ûguo, vecagani athîni ûtethio na indo cionthe cienyu nî igûtuîka ntheru.

Luka 12:33

Endiani indo cionthe cienyu na mûcoke mûve athîni mbeca icio. Îîthondekereni tûveeti twa mbeca tûrîa tûtangîthira. Îigîreni mûthithû wenyu îgûrû kwa Ngai, kûrîa ûtangînyiva nîûndû gûtirî mwîi ûngîûkinyîra wana kana mûthûa ûngîûcûkia.

Luka 18:22

Rîrîa Jesû eegwire ûguo nîwerire mûndû ûcio atîrî, “Varî na ûndû ûmwe tu ûtigarîtie. Thiî ûkendie indo cionthe ciaku na ûve athîni mbeca icio, nawe nîûkwîigîra mûthithû îgûrû kwa Ngai, na ûcoke ûnûmîrîre.”

Luka 6:29

Mûndû angîgûcamûra rûvî rûthîa rwa mwena ûmwe, mûvûgûrîre wana rûu rwîngî arûcamûre. Na mûndû angîgûcuna îgooti rîaku, mwîtîkîrie oce nginya cati yaku.

Luka 6:31

Îkaga andû arîa engî wata ûrîa ûngîenda o magwîke.”

Luka 6:38

Vecanagani namue nîmûkaavewa iveo nî Ngai, mwîcûrîrîtue, igakindîrwa, ikainainua na ikathûmbwa. Nîûndû kîthimi kîrîa mûthimanagîra nakîo nîkîo Ngai akaamûthimîra nakîo.”

Ciîko 20:35

Nie nînîmwonetie maûndûrî monthe atî wata ûrîa naarutaga wîra nîrî na kîîo kîîngî wa namue nwa nginya mwîkage guo nîguo mûtethagie andû arîa matarî na vinya. Nie nînîmwîrîte mûririkanage ciugo irîa Mwathani Jesû ke mwene aaugire atîrî, ‘Nîkwîthagîrwa kûrî na gîkeno makîria mûndû akîvecana gûkîra akîvewa.’ ”

2Akor 8:9

Mue nîmwîcî wega wa Mwathani wetû Jesû Kristû. Wana ethîrwa aarî mûtongu, ke nîwetwire mûthîni nîûndû wenyu nîguo atûme mûtuîke atongu na njîra ya ûthîni wake.

Aefeso 4:28

Mûndû wa wonthe wîaga nîatigane na wîi na ambîrîrie kûruta wîra nîguo ethûkûmagîre na njîra îno mbagîrîru kîrîa avatarîte ûtûûrorî na avotage gûtethia athîni.