Luka 5:36 - ÎVUKU RÎA ÛVORO MWARO

³⁶ Wana rîngî Jesû nîwamerire na ngerekano atîrî, “Gûtirî mûndû ûtinagia kîraka kuuma nguorî îno njerû akînagîtumîrîra nguorî îno ngûrû. Mûndû ûcio angîka ûguo, nwa atembûre nguo îo njerû na kîraka kîu kîrege gwocana na nguo îo ngûrû.

Luka 5:36 ပူးပေါင်းရင်းမြစ်များ

Alawi 19:19

“Athîkagîrani mawatho makwa. Mûtigatûme nyamû irîa mûrîthagia iciarane itarî cia kîruka kîmwe. Mûtikavande mîthemba îîrî ya mbeû mûgûndarî ûmwe. Mûtigekîre nguo îtumîtwe na itambaa cia mîthemba îîrî.

Luka 5:35

Nwatî mûthenya nîûgaakinya rîrîa mûvikania akaathengutua gatagatîrî kao, na vîndî îo nîmakenyerekia.”

Luka 5:37

Wana gûtirî mûndû wonoragîria ndivei ya kûvivwa warîo mboororî îno ngûrû. Ndivei ya kûvivwa warîo nwa îtarûre mbooro îo na îgacoka îgeetîka na mbooro îo îkavaragana viû.

2Akor 6:16

Hekarû ya Ngai îrî na ngwatanîro îrîkû na ngai cia mîvuanano? Tue tûrî hekarû ya Ngai ûrîa ûtûûraga mwoyo! Wa ta ûrîa Ngai ke mwene augîte atîrî: “Nie nîngaathondeka mûciî wakwa na andû akwa na ndûûre gatagatîrî kao. Nie nîngaatuîka Ngai wao, nao nîmagaatuîka andû akwa.”

Gûco 22:11

“Ndûgekîre nguo îtumîtwe na guoya na ndigi itukanîte.